rKTs

e-texts navigator

Volume

Page

158a₁ pa gang yin pa shes shing rtogs te/ dkon mchog gsum la dad cing mos kyi ston pa drug la mi dad de/ de la bsnyen bkur mi byed par gyur to/ /de nas ston pa drug po shin tu sems 'khrugs nas khros te/ dben pa'i sa phyogs su song nas rtog pa la zhugs so/ /
158a₂ de nas bdud sdig to can 'di snyam du sems par gyur te/ bdag gis yun ring mo zhig nas dge sbyong gau ta ma la bgegs byas nas/ skabs ma rnyed kyis da ni bdag gis ci nas kyang bgegs bya'o snyam bsams nas/ bdud sdig can gyis rdzogs byed lta bur bdag mngon par sprul
158a₃ nas/ phyugs lhas kyi bu ma ska ri dang / rnam par smra ba'i bu kun nas rgyal ba dang / skra'i lwa ba can mi pham pa dang / kA t+yA ya na nog can dang / gnyen gyi bu gcer bu pa gang na ba der song ste phyin pa dang / de dag gi mdun du me 'bar ba dang / chu 'bab pa dang / glog 'gyu bar
158a₄ cho 'phrul ston pa la zhugs pa dang / de dag gis rdzogs byed khyod kyi yon tan rnam pa mang po 'di lta bu 'thob bam/ smras pa thob bo/ /de rnams kyis so so nas 'di snyam du bsams so/ /bdag gcig pu ma gtogs par 'di dag thams cad ni rdzu 'phrul che ba mthu che bar
158a₅ so sor ston to snyam bsams so/ /de nas dus phyi zhig na rdzogs byed la sogs pa ston pa drug 'dun khang du 'dus te lhags nas/ gtam 'di lta bu dag skabs su smra ste/ bdag cag rnams la sngon gyi rgyal po dang / blon po dang / bram ze dang / khyim bdag phyug po dang / tshong dpon
158a₆ dang / ded dpon dag gis rim gror byas/ bkur stir byas/ mchod pa byas shing / bdag cag gi gos dang / zas dang / mal stan dang / nad kyi rkyen sman dang / yo byad rnams rnyed par gyur na/ da ni dge sbyong shAkya'i bu 'di la rim gro dang / bkur stir byed do/ /
158a₇ gos dang / zas dang / mal stan dang / nad kyi rkyen rtsi dang / yo byad rnams ma rnyed par gyur gyis/ da ni bdag cag rnams kyis dge sbyong gau ta ma mi'i bla ma'i chos kyi cho 'phrul la 'jug go/ /de ste dge sbyong gau ta mas mi'i bla ma'i chos kyi cho 'phrul gcig ston pa la zhugs na/

_{iiif viewer powered by OpenSeadragon}

157b - 158b

Texts on this page