rKTs

e-texts navigator

Volume

Page

157b₁ snyoms thogs te smon lam btab par gsol na/ bcom ldan 'das kyis yon bdag la 'di skad ces bka' stsal pa/ thog ma yang nged kyi phyir ma yin pas/ yang khyod nyid kyi ston pa la smon lam btab par gsol cig ces bka' stsal pas/ sbyin bdag chen po ston pa drug gi
157b₂ mdun du song ste smon lam btab par gsol na/ ston pa drug kha thams nas smra ma nus te/ sangs rgyas la gsol cig ces lag brda byas so/ /de nas bcom ldan 'das kyis kyang tshangs pa'i dbyangs lta bu'i gsung gis smon lam btab bo/ /smon lam btab nas sbyin bdag
157b₃ gis bsod snyoms gnas brtan la brims pa las/ bcom ldan 'das kyis sngar khyod nyid kyi ston pa nas brims shig ces bka' stsal pa dang / 'brim pa rnams kyis ston pa drug la brims na/ zhal zas kyi rnam pa steng gi nam mkha' la 'phags te/ brim du med par gyur to/ /
157b₄ de nas sangs rgyas logs su brim du chas pa dang / zhal zas kyang so so'i lag tu 'ongs so/ /mthar gyis brims te sangs rgyas dang dge 'dun bsod snyoms kyi bya ba byas nas kha lag bkrus te/ phyir yang gdan la bzhugs nas chos bstan par gsol to/ /de la yang
157b₅ bcom ldan 'das kyis khyod nyid kyi ston pa drug la ston par gsol cig ces bka' stsal to/ /ston pa drug kyang kha thams nas/ sangs rgyas la gsol cig ces lag brda byas so/ /de nas bcom ldan 'das kyis shin tu mnyen zhing 'jam pa'i gsung phyung ste/ 'khor mang
157b₆ po la chos kyi mtshan nyid rnam par phye zhing bstan pas/ 'khor mang po yid tshim par gyur te/ sangs rgyas kyis gsungs pa thos nas/ thams cad kyis rtogs shing khong du chud do/ /gzugs can snying po'i gcung ni chos la chos kyi mig rnam par dag par gyur to/ /
157b₇ 'khor gzhan dag ni 'bras bu dang po nas 'bras bu gsum pa'i bar du thob nas rab tu byung ste/ zag pa zad do/ /la la ni bla na med pa'i byang chub tu sems bskyed de/ phyir mi ldog pa'i sa la gnas par gyur nas ci ltar smon pa bzhin du yongs su rdzogs pas so so nas yang dag

_{iiif viewer powered by OpenSeadragon}

157a - 158a

Texts on this page