rKTs

e-texts navigator

Volume

Page

156b₁ ngoms shing bde bar byas pa ltar/ phyis mngon par rdzogs par sangs rgyas nas/ chos kyi sku'i tshul khrims dang ting nge 'dzin dang / shes rab kyis khyod kyi dug gsum bsal te/ 'dod pas gdungs pa las shin tu bde ba'i mya ngan las 'das pa la 'god par shog shig ces smras so/ /
156b₂ kun dga' bo de'i tshe de'i dus na rgyal po byams pa'i stobs de ni da ltar nga yin no/ /gnod sbyin lnga po de ni kauN+Di n+ya la sogs pa dge slong lnga yin no/ /ngas gang nas gang du skyes par de dag thog mar bsgral bar smon lam btab bo/ /de bas na ngas thog mar chos bstan ma thag tu rnam
156b₃ par grol bar gyur to/ /tshe dang ldan pa kun dga' bo dang / 'khor mang po rnams sangs rgyas kyis gsungs pa la yi rangs nas mngon par bstod do/ /rgyal po byams pa'i stobs kyi sbyin pa'i le'u ste bcu gnyis pa'o// //bam po gsum pa/ 'di skad bdag gis thos
156b₄ pa'i dus gcig na/ bcom ldan 'das rgyal po'i khab/ bya ka lan da ka gnas pa 'od ma'i tshal na dge slong gi dge 'dun chen po brgya phrag phyed dang bcu gsum dang thabs cig tu bzhugs so/ /de'i tshe na rgyal po gzugs can snying po 'bras bu dang po thob nas/ dad pa dang bsnyen bkur
156b₅ bya bar sems sngon bas kyang lhag par gyur pas/ bcom ldan 'das dang dge slong gi dge 'dun la mchod pa'i yo byad rnam pa bzhi rtag tu 'bul te/ skye bo mang po dag kyang 'thun par dge ba la spro'o/ /yul de na rdzogs byed la sogs pa'i ston pa drug sngar byung bas/ ngan par lta ba log
156b₆ par ston te/ 'gro ba mang po bslus pas/ de la gang bslad par mthong ba dag ni ngan par lta ba dag la yid ches pas/ sdig can gyi phyogs mang zhing rgyas par gyur to/ /rgyal po de'i gcung zhig kyang ston pa drug la yid ches pas ngan par lta ba la yid zhen te/ thar pa'i lam lam ma
156b₇ yin par bzung nas/ longs spyod ci bdog pa gtor nas de la 'bul te/ sangs rgyas bcom ldan 'das nyi ma shar ba lta bu shes rab kyis kun tu lham mer mdzad kyang / ngan par lta bas glags pas de la mos pa'i sems med do/ /rgyal po gzugs can snying po de de la lhag par

_{iiif viewer powered by OpenSeadragon}

156a - 157a

Texts on this page