rKTs

e-texts navigator

Volume

Page

156a₁ mngon par rdzogs par sangs rgyas nas kyang / sngar rnam par grol ba la bkod de rgyu dang rkyen med pa ma yin no/ /tshe dang ldan pa kun dga' bos bcom ldan 'das la gsol pa/ sngon 'das pa'i dus na ci lta bur bkres pa dang skom pa las bde bar mdzad pa bstan du
156a₂ gsol/ 'khor mang po 'di dag gis thos nas rtogs par 'gyur/ bcom ldan 'das kyis bka' stsal pa/ sngon 'das pa'i dus na bskal pa grangs med pa'i pha rol na/ 'dzam bu'i gling 'dir rgyal po byams pa'i stobs zhes bya ba 'dzam bu'i gling gi rgyal phran brgyad khri bzhi
156a₃ stong snyed la dbang byed pa zhig byung ngo / /rgyal po de la btsun mo stong phrag nyi shu yod do/ /blon po ni stong phrag bcu yod do/ /rgyal po de byams pa dang snying rjer ldan te/ tshad med pa bzhi spyod cing 'gro ba thams cad la snying brtse bas/ dge ba bcu'i srid 'dzin te/ thams
156a₄ cad kyis bkur ba/ yul na dgra med cing lo legs par 'byor ba bde ba skyid pa dang ldan pa ste/ rims gtong ba'i dag /mi'i khrag dang mdangs 'phrog cing za ba las/ de'i tshe na yul mi thams cad lus dang ngag dang yid bsrung ste/ dge ba bcu la gnas pas/ yi
156a₅ dgas ma rungs pa dag bza' ba ma rnyed nas/ kun ltogs te mthu med par gyur to/ /de'i tshe na gnod sbyin lnga zhig rgyal po'i gan du 'ong zhing 'di skad ces smras so/ /bdag cag gi zas ni mi'i mdangs dang khrag la ltos te/ lus dang srog 'tsho ba las rgyal pos bkar btags
156a₆ te/ thams cad dge ba bcu la gnas pas/ bdag cag zas dang skom ma rnyed de/ nyam thag nas srog la bab bo/ /rgyal po bdag cag la yang thugs mi brtse'am zhes gsol nas/ rgyal pos kyang de dag la snying brtse ba'i phyir/ lus kyi yan lag lnga las rtsa lnga bcad nas/
156a₇ gnod sbyin rnams so so nas snod bzed de khrag las ngoms par 'thung du bcug go /de dag khrag gis ngoms nas shin tu dga' mgu rangs par gyur to/ /de dag khrag gis ngoms nas/ dge ba bcu la ci nus su spyod cig ces bskul to/ /da ltar nga'i lus las khrag phyung ste/ khyod

_{iiif viewer powered by OpenSeadragon}

155b - 156b

Texts on this page