| e-texts navigator |
| བོད་ཡིག |
155b1 de la gtor to/ /de'i tshe kun tu rgyu nga la sas gtor ba brgya phrag bcu po de ni/ da ltar chu bo 'od srung la sogs pa'i dge slong brgya phrag bcu yin te/ de'i tshe na yi dam bcas pa las/ bdag bzod pa bsgom pa rgyun mi chad pa 'dis/ nam mngon par sangs rgyas pa na/ bdud
155b2 rtsi'i chus khyod kyi rdul dang dri ma bkrus te/ 'dod pa'i btsog pa yongs su dag par shog shig ces dam bcas so/ /dge slong dag de'i tshe na drang srong bzod pa can de shes par 'dod na/ gzhan du ma sems shig /de ni da ltar nga yin no/ /rgyal po rtsod byung dang blon po bzhi ni kauN+Di n+ya
155b3 la sogs pa dge slong lnga sde yin no/ /de'i tshe bzod pa bsgoms pa ni/ 'di dag gi don sngar bya'o zhes dam bcas pas/ mngon par sangs rgyas nas/ sngar 'di dag sdug bsngal las yongs su grol bar mdzad do/ /dge slong rnams sangs rgyas kyis gsungs pa la rjes su
155b4 yi rangs nas mngon par dga'o/ /bzod pa'i le'u ste bcu gcig pa'o// //'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe kun dga' bos
155b5 bsod snyoms kyi bya ba byas nas/ tshal zhig gi nang na bsam gtan du 'dug ste/ 'di snyam du rtog pa skyes te/ sangs rgyas bcom ldan 'das 'jig rten du gshegs pa ngo mtshar che ste/ sems can mang po yang rab tu bde ba la bkod/ kauN+Di n+ya la sogs pa'i dge slong lnga
155b6 sde dge ba'i rtsa ba ci bsags na/ chos kyi sgo rnam par phye ma thag tu 'jug par gyur/ chos kyi rnga brdungs ma thag tu thog mar thos par gyur/ chos kyi bdud rtsis thog mar ngoms par gyur/ snyam du rtog pa skyes nas/ 'dug pa las langs te sangs rgyas gang na ba der song ste
155b7 phyin pa dang / ci ltar bsam pa bzhin du bcom ldan 'das la gsol to/ /bcom ldan 'das kyis bka' stsal pa/ dge slong kauN+Di n+ya la sogs pa ni sngon 'das pa'i dus na yang ngas sha dang khrag gis bkres skom pa las chog par byin te/ bde bar byas pas de bas na nga
iiif viewer powered by OpenSeadragon
Texts on this page
D341 - mdzangs blun zhes bya ba'i mdo