| e-texts navigator |
| བོད་ཡིག |
153b1 sangs rgyas kyi zhabs la spyi bos phyag 'tshal te/ bcom ldan 'das la 'di skad ces gsol to/ /bcom ldan 'das bdag rab tu 'byung ngo zhes gsol ba dang / bcom ldan 'das kyis dge slong legs par 'ongs so zhes bya ba gnang nas/ skra dang kha spu rang byi ste/ lus
153b2 la chos gos gyon par gyur nas/ bcom ldan 'das kyis chos bstan pas dgra bcom par gyur to/ /kun dga' bos bcom ldan 'das la gsol pa/ bcom ldan 'das dge slong lha'i rin chen 'dis/ sngon bsod nams ci zhig bgyis na thog ma btsas pa'i tshe na nam
153b3 mkha' las rin po che char bzhin bab cing / bgo ba dang bza' ba lhun gyis grub nas/ cis kyang mi brel bar gyur/ sangs rgyas kyis kun dga' bo la bka' stsal pa/ sngon 'das pa'i dus na sangs rgyas gser thub ces bya ba 'jig rten du gshegs te/ 'jig rten na
153b4 sems can gyi don mdzad pa ni brjod kyis mi lang ngo / /de'i tshe na dge 'dun mang po grong rgyu zhing gshegs pa las/ de'i tshe grong khyer na gnas pa'i khyim bdag mang pos dge 'dun spyan drangs te/ mchod pa rnam pa sna tshogs byas so/ /de'i tshe na mi dbul po zhig dad pas rjes su
153b5 yi rangs pa'i sems skyes kyang / longs spyod dang mchod pa'i yo byad ci yang med pas rde'u dkar ru las byas pa'i nor bu spar gang gis dge 'dun la gtor nas/ smon lam chen po btab bo/ /bcom ldan 'das kyis kun dga' bo la bka' stsal pa/ de'i tshe de'i dus na mi dbul po
153b6 nor bu spar gang gis dge 'dun la gtor ba de ni/ dge slong lha'i rin chen 'di yin no/ /'das pa'i dus na bsam pa dag pa'i dad pas rde'u dkar ru'i nor bu spar gang gis/ dge 'dun la gtor ba tsam gyis bskal pa dgu bcu rtsa gcig gi bar du bsod nams tshad med pas/ nor
153b7 bu rin po che mang ba dang / bgo ba dang bza' ba lhun gyis grub cing / longs spyod cis kyang mi brel bar gyur to/ /de'i tshe na bsam pa dag pa'i dad pa tsam gyis/ nga 'jig rten na gshegs pa dang / 'phrad nas 'bras bu'i bar du thob par gyur to/ /de'i tshe 'khor mang po rnams kyang
iiif viewer powered by OpenSeadragon
Texts on this page
D341 - mdzangs blun zhes bya ba'i mdo