rKTs

e-texts navigator

Volume

Page

151a₁ pha ma gnyis rab tu dga' ste/ gser gyi dong tse gnyi ga blangs te/ blangs pa'i shul du da rung yang yod par gyur nas yang nas yang blangs so/ /de bzhin du pha ma gnyis kyis gser gyi dong tse lag mthil nas blangs pas bang mdzod gang yang bu'i lag nas dong tse
151a₂ zad par ma gyur to/ /khye'u de phyis cher skyes nas pha ma la bdag rab tu 'byung ngo zhes gsol pa dang / pha mas kyang yid bzhin du gnang ngo zhes smras so/ /de nas khye'u gser dbyig /bcom ldan 'das gang na ba der song ste/ zhabs la spyi bos phyag 'tshal nas/ sangs
151a₃ rgyas la 'di skad ces gsol to/ /bcom ldan 'das bdag la thugs brtse ba'i slad du/ ston pas bdag la rab tu 'byung bar ci gnang zhes gsol pa dang / bcom ldan 'das kyis khye'u gser dbyig khyod rab tu 'byung bar gnang ngo zhes bka' stsal to/ /de ltar sangs
151a₄ rgyas kyis gnang nas khye'u gser dbyig skra dang kha spu bregs te/ chos gos gyon nas dge sbyong du gyur to/ /phyis lo grangs tshang ste/ bsnyen par rdzogs ran nas dge 'dun la dad pa gsol te/ bsnyen par rdzogs par gsol to/ /bsnyen par rdzogs pa'i dge 'dun la
151a₅ rim gyis phyag 'tshal te/ mthar gyis phyag 'tshal ba na/ lag pa gnyis sa la gar reg par gser gyi dong tse re re yod de/ de bzhin du mthar gyis phyag 'tshal ba thams cad du gser gyi dong tse yod par gyur to/ /bsnyen par rdzogs nas brtson 'grus bsgoms pas dgra
151a₆ bcom par gyur to/ /kun dga' bos bcom ldan 'das la gsol pa/ bcom ldan 'das dge slong gser dbyig 'di sngon bsod nams ci zhig bgyis na/ thog ma btsas nas da tsam gyi bar du gser gyi dong tse thogs pa/ bcom ldan 'das kyis bstan du gsol/
151a₇ bcom ldan 'das kyis kun dga' bo la bka' stsal pa/ rtag par nyon la shin tu yid la zung shig dang khyod la bstan par bya'o zhes bka' stsal pa dang / kun dga' bos de bzhin du thos par 'tshal lo zhes gsol to/ /bcom ldan 'das kyis bka' stsal pa/ sngon

_{iiif viewer powered by OpenSeadragon}

150b - 151b

Texts on this page