| e-texts navigator |
| བོད་ཡིག |
150b1 'di yin te/ de'i tshe mi dge ba'i sems kyis/ 'phags pa rang sangs rgyas la smad pa'i ngag gi nyes pas/ de phyin cad rtag tu mi sdug pa'i lus myong bar gyur to/ /phyis cho 'phrul mthong nas/ 'gyod pas ni phyis mnga' byad shin tu bzang ba dang / blo dang ldan par gyur
150b2 to/ /rang sangs rgyas la mchod pa byas pas/ gang nas gang du skyes kyang rigs che zhing longs spyod 'byor pa dang / mthar yang rnam par grol bar gyur to/ /de bas na rgyal po chen po ji tsam du sems can gyi rigs su gtogs pa thams cad ni lus dang ngag gi nyes pa shin
150b3 tu bsrung zhing / gzhan la brnyas pa dang smad par mi bya'o/ /de'i tshe na rgyal po gsal rgyal 'khor dang bcas pa dang / 'khor mang po thams cad bcom ldan 'das kyis rnam par smin pa'i 'bras bu bstan pa thos nas/ bsam pa shin tu rnam par dag pa'i dad pa dang ldan
150b4 par gyur to/ /de ltar bsam pa shin tu rnam par dag pas/ la la ni 'bras bu dang po nas 'bras bu bzhi pa'i bar du thob par gyur to/ /la la ni bla na med pa'i byang chub tu sems bskyed do/ /la la ni phyir mi ldog pa'i sa la gnas par gyur te/ 'khor de dag thams cad
150b5 bcom ldan 'das kyis gsungs pa la rjes su yi rangs nas mngon par dga'o/ /rgyal po gsal rgyal gyi bu mo rdo rje'i le'u ste bdun pa'o// //'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin
150b6 gyi kun dga' ra ba na/ dge slong gi dge 'dun brgya phrag phyed dang bcu gsum dang thabs cig tu bzhugs so/ /de'i tshe grong khyer de na khyim bdag cig gi chung ma la bu zhig btsas te/ ming yang gser dbyig ces btags nas/ byad gzugs legs pa/ bzang zhing shin tu mdzes
150b7 pa 'jig rten na zla med pa/ khye'u de sngon gyi las kyis lag pa gnyis khu tshur bcang nas byung ngo / /khye'u de'i pha ma yang shin tu ya mtshan du gyur te/ bkra shis so snyam nas khye'u de'i khu tshur gnyis phyes te bltas na/ khye'u'i lag mthil nas gser gyi dong tse re re yod de/
iiif viewer powered by OpenSeadragon
Texts on this page
D341 - mdzangs blun zhes bya ba'i mdo