rKTs

e-texts navigator

Volume

Page

149a₁ bcom ldan 'das de'i khyim du gshegs te/ bu mo de'i mdun du sngon gyi las kyis dbu mthon mthing gis mtshan pa mngon par bstan pa bu mo des mthong bar mdzad do/ /bu mo des bcom ldan 'das kyi dbu mthon mthing mthong nas/ lhag par yang dga' zhing mgu rangs
149a₂ te/ bsam pa shin tu dag par gyur to/ /bsam pa shin tu dag pas bu mo de'i skra yang shin tu 'jam zhing mthon mthing gi kha dog tu gyur to/ /bcom ldan 'das kyis yang zhal mngon sum du bstan pa bu mo des mthong nas/ mthong ma thag tu dga' mgu rangs pas bu mo de bzhin
149a₃ yang bzang zhing mdzes par gyur te/ mi sdug pa dang rtsub pa yang med par gyur to/ /bcom ldan 'das kyis sku sta zur yan cad mngon par bstan te/ gser gyi mdog lta bu'i 'od lham mer snang bar mdzad pa bu mo des mthong nas/ sangs rgyas la lhag par dga' zhing dga'
149a₄ mgu rangs par gyur to/ /de ltar dga' mgu rangs pas mi sdug pa thams cad med par gyur te/ shin tu mdzes shing sdug pa ni lha'i bu mo ltar 'jig rten na dpe zla med par gyur to/ /bcom ldan 'das kyis bu mo de la thugs brtse ba'i phyir/ sku rdzogs par bstan pas/
149a₅ bu mo de mig mi 'dzums par blta zhing sngar bas kyang lhag par dga' mgu rangs nas/ lus kyi mtshan thams cad 'jig rten na dpe zla med par shin tu bzang zhing / mi sdug pa'i bag chags kyi lhag ma cung zad tsam yang ma lus so/ /bcom ldan 'das kyis ci rigs su chos bstan
149a₆ nas/ sdig pa kun zad de/ rgyun du zhugs pa'i 'bras bu thob par gyur nas/ bcom ldan 'das kyang slar gshegs so/ /de nas de ma thag tu mi lnga pos kyang sgo phyes te/ nang du lhags na de'i chung ma rab tu mdzes shing bzang ba zla med par mthong nas/ gcig la gcig
149a₇ 'di skad du mi 'di'i chung ma ni shin tu bzang zhing mdzes pas mi khrid do zhes smras te/ de dag gis de'i chung ma mthong nas phyir yang sgo bcad de/ de dag gang na 'dug par 'ongs nas/ mi des ma tshor bar lde mig kyang phyir lus la btags so/ /mi de ra ro ba las sangs nas kun

_{iiif viewer powered by OpenSeadragon}

148b - 149b

Texts on this page