| e-texts navigator |
| བོད་ཡིག |
147a1 pos thugs rje bar dgongs te/ bdag rab tu 'byung bar gnong shig ces gsol pa dang / rgyal pos kyang khyod rab tu byung bar gnang ngo zhes bka' stsal nas/ khye'u de khrid de bcom ldan 'das kyi spyan sngar lhags nas/ ci ltar gyur ba bcom ldan 'das la zhib tu
147a2 gsol to/ /de nas bcom ldan 'das kyis kyang rab tu 'byung bar gnang nas lus la chos gos gyon cig ces pa dang dge slong du gyur to/ /bcom ldan 'das kyis ci rigs par chos bstan nas/ sems rnam par grol te dgra bcom par gyur nas/ rig pa gsum dang / mngon
147a3 par shes pa drug dang / rnam par thar pa brgyad dang ldan par gyur to/ /de nas rgyal po ma skyes dgras bcom ldan 'das la 'di skad ces gsol to/ /bcom ldan 'das khye'u gzhon nu 'dis sngon dge ba'i rtsa ba ci zhig bsgrub na/ brag la mchongs kyang ma gum la chab tu mchongs
147a4 kyang gnod par ma gyur/ btsan dug 'tshal kyang ma gum/ mda' 'phangs kyang smas par ma gyur to/ /bcom ldan 'das dang mjal nas 'khor ba'i mtha' las grol bar gyur ces gsol ba dang / bcom ldan 'das kyis rgyal po la 'di skad ces bka' stsal to/ /sngon
147a5 'das pa'i dus bskal pa grangs med pa 'das pa na/ yul bA rA Na sI zhes bya ba na/ rgyal po tshangs pas byin zhes bya ba zhig yod de/ rgyal po de'i btsun mo dang pho brang gi slas su bcas nas/ skyed mos tshal du rol du gshegs so/ /skyed mos tshal de na pho brang gi slas dag
147a6 gis glu blangs pa dang / ra ba'i phyi rol du mi zhig gis skad chen pos ram bu bteg pa rgyal pos thos so/ /rgyal pos de thos nas khros te mi de zung la sod cig ces bka' stsal to/ /de'i tshe blon po zhig phyi rol nas nang du 'ongs pa las/ mi btson du bzung ba mthong ba dang /
147a7 g.yog 'khor rnams la 'dis ci nyes te bzung zhes dris na/ de dag gis ci'i phyir bzung ba'i gtam zhib tu smras pa dang / blon po des de dag la re zhig ma bsad par sdod cig kho bos rgyal po la gsol zhes smras nas pho brang gi nang du song ste/ rgyal po la 'di skad ces gsol to/ /
iiif viewer powered by OpenSeadragon
Texts on this page
D341 - mdzangs blun zhes bya ba'i mdo