| e-texts navigator |
| བོད་ཡིག |
145a1 'di ni bden pa yin gyis pa ma yin no/ /bden par cir mngon/ smras pa rgya mtsho'i chu mang mod kyi/ gdon mi za bar skam pa'i dus yod do/ /bskal pa mes 'jig tu nye ba na nyi ma gnyis shar te chu mig dang lteng ka kun bskams so/ /nyi ma gsum
145a2 shar ba na/ chu bran thams cad bskams so/ /nyi ma bzhi shar ba na chu bo thams cad bskams so/ /nyi ma lnga shar ba na rgya mtsho chen po yang snga ma las 'grib bo/ /nyi ma drug shar ba na sum nyis 'grib bo/ /nyi ma bdun shar ba na rgya mtsho chen po yang bskams te/
145a3 ri rab lhun po yang rnyil rdo rje'i mtha' la thug pa'i bar du tshig cing 'bar bar 'gyur ro/ /gang zhig shin tu dad pa'i sems kyis chu snyim pa gang tsam sangs rgyas la mchod dam/ dge 'dun la phul lam/ pha ma la phul lam/ dbul phongs la byin nam/ gcan
145a4 gzan la byin na/ bsod nams 'di ni bskal pa du mar yang mi zad de/ de bas na rgya mtsho'i chu ni nyung gis/ snyim pa gang gi chu ni mang bar rig par bya'o/ /de nas rgya mtsho'i lha rab tu dga' ste/ des dge bsnyen de la rin po che mang du phul nas/ rin po che dam pa dag
145a5 sangs rgyas dang dge 'dun la yang bskur ro/ /dge bsnyen dang tshong pa rnams rin po ches chog par gyur nas/ phyir yang bde bar yul du phyin to/ /de'i tshe dge bsnyen de dang / tshong pa lnga brgya tsam sangs rgyas gang na ba der 'ongs nas bcom ldan 'das kyi zhabs la spyi bos
145a6 phyag 'tshal te/ so so nas rin po che thogs pa dang / rgya mtsho'i lhas bskur ba yang sangs rgyas dang dge 'dun la phul te/ de dag pus mo sa la btsugs nas thal mo sbyar te/ bcom ldan 'das la 'di skad ces gsol to/ /bdag kyang ston pa'i bstan pa la rab
145a7 tu 'byung ngo zhes smras pa dang / bcom ldan 'das kyis dge bsnyen dag legs par 'ongs so zhes bka' stsal pa dang / skra dang kha spu rang byi ste/ chos gos gyon pa'i dge slong du gyur to/ /de la bcom ldan 'das kyis ci rigs pa'i chos bstan cing phyis 'dod pa kun zad de/
iiif viewer powered by OpenSeadragon
Texts on this page
D341 - mdzangs blun zhes bya ba'i mdo