| e-texts navigator |
| བོད་ཡིག |
143a1 pa dang / de yang bzhugs so zhes smras so/ /khye'u de'i pha mas bu btsas ma thag tu smra shes pa 'di ni mi ma yin no snyam nas/ ngo mtshar ba dang ya mtshan du gyur pas bcom ldan 'das la zhus so/ /bcom ldan 'das kyis kyang khyod kyi bu 'di mtshan dang ldan te/
143a2 the tsom ma byed cig ces bka' stsal pa dang / khye'u de'i pha ma rab tu dga' mgu rangs te phyir khyim du 'ongs so/ /de nas khye'u des pha ma la sangs rgyas dang dge slong gi dge 'dun rnams spyan drongs shig ces gsol pa dang / de'i pha mas sangs rgyas dang dge 'dun spyan drangs nas/
143a3 yo byad sbyar dgos te/ 'phral du 'byor pa yang ma yin no zhes bsgo ba dang bus smras pa/ khang pa'i nang phyag dar dang chag chag byos te/ gdan thing la/ gdan mthon po gsum zhig sgrigs te thing shig dang / zhal zas ro brgya dang ldan par yang rang 'ong ngo / /bdag gi tshe
143a4 snga ma'i pha ma yang da ltar yul bA rA Na sIr mchis kyi/ de yang bos shig ces smras so/ /de'i pha mas kyang bus smras pa bzhin du mi zhig glang po che la bskyon te/ de'i pha ma yang bos nas 'ongs so/ /gdan mthon po gsum bshams pa de gcig la ni sangs rgyas
143a5 bzhugs su gsol cig / gcig la ni tshe snga ma'i pha ma bzhugs cig /gcig la ni da ltar lus bskyed pa'i pha ma bzhugs shig skad pa dang / de nas sangs rgyas kyang dge slong gi 'khor dang bcas te gshegs nas/ gdan bting ba la rim bzhin du bzhugs te/
143a6 zhal zas bzang pos kyang thams cad khyed cing chog par gyur nas/ de la bcom ldan 'das kyis chos bstan nas/ khye'u de'i pha ma gnyis dang khyim gang gi mi chen po dang / chung ngu thams cad kyis kyang chos thos nas rab tu dga' ste/ kun gyis 'bras bu dang po thob par
143a7 gyur to/ /khye'u de yang phyis cher skyes nas rab tu byung ste/ brtson 'grus brtsams pas dgra bcom pa yang thob par gyur to/ /de nas bcom ldan 'das la kun dga' bos gsol pa/ dge slong 'dis sngon legs pa ci zhig bgyis na/ che zhing mtho ba'i rigs su skyes te
iiif viewer powered by OpenSeadragon
Texts on this page
D341 - mdzangs blun zhes bya ba'i mdo