| e-texts navigator |
| བོད་ཡིག |
141a1 lha de'i lus kyi 'od kyis rgyal bu rgyal byed kyi tshal gser gyi mdog ltar gcig tu snang bar byas so/ /de la bcom ldan 'das kyis ci rigs su dam pa'i chos bstan pas sems rnam par grol te/ gnyi gas byang chub kyi 'bras bu thob nas bcom ldan 'das kyi
141a2 zhabs la mgo bos phyag 'tshal te/ phyir yang lha'i gnas su dong ngo / /phyi de nyin nam nangs ma thag tu/ kun dga' bos bcom ldan 'das la 'di skad ces gsol to/ /mdang lha gnyis shig mchis te/ bcom ldan 'das la bsnyen bkur bgyis na/ de'i lus kyi
141a3 'od kyis kun tu snang zhing mdzes par bgyis pa 'di sngon las ci zhig bgyis pas de 'dra'i 'bras bu thob par gyur ces gsol pa dang / bcom ldan 'das kyis kun dga' bo la 'di skad ces bka' stsal to/ /sngon sangs rgyas 'od srung mya ngan las 'das nas dam pa'i chos 'jig
141a4 par nye ba na/ bram ze gnyis shig gis nyin zhag gcig pa'i tshul khrims brgyad mnos te/ de dag la gcig gis ni lhar skye bar shog cig ces smon lam btab bo/ /gcig gis ni rgyal por gyur cig ces smon lam btab nas/ phyir khyim du 'ong ngo / /de la gcig khyim
141a5 du 'ongs nas/ chung mas zan la bos nas khyos 'di skad ces smras so/ /bdag sangs rgyas kyi chos las phyi dro kha zas mi za'i khrims mnos pas mi 'dod do zhes pa dang / chung mas smras pa/ khyod ni kun tu rgyu yin te/ bdag cag gi chos kyi tshul khrims yod na/ ci'i phyir ston
141a6 pa gzhan gyi tshul khrims mnos/ gal te bdag dang lhan cig zan mi za na khyod ci skad smras pa bzhin du kun tu rgyu gzhan dag la bsnyad de/ khyod dang lhan cig tu 'du shing gtam zer du mi gnang bar skrod du gzhug go/ /de skad ces smras pa dang / khyos ma bzod de dngangs
141a7 skrag nas chung ma dang lhan cig tu dus ma yin par zan zos so/ /mi de gnyis tshe'i dbang thang ci tsam du thub pa bzhin du so so nas tshe'i dus byas so/ /rgyal por smon pa de ni tshul khrims bsrungs pas rgyal po'i rigs su skyes so/ /lhar skye bar smon pa de ni tshul khrims zhig
iiif viewer powered by OpenSeadragon
Texts on this page
D341 - mdzangs blun zhes bya ba'i mdo