rKTs

e-texts navigator

Volume

Page

139a₁ par ma zad kyi/ sngon 'das pa'i dus na yang nga'i bka' drin gyis gsos so/ /kun dga' bos gsol pa/ bcom ldan 'das sngon 'das pa'i dus na yang ma smad gsum po 'di dag ci ltar gsos pa bcom ldan 'das kyis bstan du gsol/
139a₂ bcom ldan 'das kyis kun dga' bo la bka' stsal pa/ sngon 'das pa'i dus bskal pa grangs med pa'i pha rol na/ 'dzam bu'i gling 'di na rgyal po shing rta chen po zhes bya ba zhig yod de rgyal po des rgyal phran lnga stong snyed la dbang byed do/ /rgyal po de la sras gsum
139a₃ mnga' ste/ rab ni sgra chen po zhes bya'o/ /'bring po ni lha chen po zhes bya'o/ /tha ni sems can chen po zhes bya ste/ sras tha de chung ngu nas byams pa dang snying rjer ldan te/ thams cad la bu gcig pa dang 'dra'o/ /de'i tshe rgyal po de blon po dang bcas/ btsun
139a₄ mo dang sras su bcas te/ phyi rol tu 'chag cing dong ba las/ cung zad cig ngal bso ba'i bar du sras gsum po tshal gyi nang du song ba las/ stag mo zhig bu byung nas zhag du ma lon pa bkres shing skom pas nyen te/ phyir yang bu zos la thug pa zhig mthong nas/ rgyal
139a₅ bu tha phu bo gnyis la smras pa/ stag mo 'di ni shin tu sdug bsngal gyis gzir te/ nyam chung la rid pas shi la thug pa 'di lta bu/ bu byung ma thag pa yang zos su 'dod do zhes smras pa dang / phu bo gnyis kyis khyod zer ba bden no zhes zer ro/ /nu bos yang phu bo
139a₆ gnyis la smras pa/ stag mo 'dis zas su ci za zhes dris na/ phu bo gnyis kyis smras pa/ 'di bsad ma thag pa'i sha rlon pa dang / khrag dron mos de'i yid tshim par 'gyur ro zhes smras so/ /yang smras so/ /yang smras pa/ gang su yang rung ste de lta bu'i dngos pos 'di'i srog skyabs te/
139a₇ mi nyams par byed nus pa yod dam/ phu bo gnyis kyis smras pa/ de ni shin tu yang dka' bas med do/ /de nas rgyal bu tha des yid la 'di snyam du bsams so/ /bdag yun ring po nas 'khor ba na 'khor zhing / lus srog grangs med pa zhig chud gsan te/

_{iiif viewer powered by OpenSeadragon}

138b - 139b

Texts on this page