| e-texts navigator |
| བོད་ཡིག |
135a1 byang chub tu sems bskyed pa'i bar du gcod pa'i las ma byed cig / bdag ni sangs rgyas su bsgrub pa'i phyir/ lus 'di yongs su gtong ste/ nam mngon par sangs rgyas nas/ khyod la chos kyi sku sbyin par bya'o zhes smras pa dang / 'khor mang po yang mi
135a2 smra bar gyur to/ /de'i tshe na rgyal bu de me dong gi khar 'greng nas/ bram ze de la 'di skad ces gsol to/ /ston pa chen po bdag la sngar dam pa'i chos ston cig /gal te tshe'i dus byas na chos mi thos so zhes gsol pa dang / bram ze des tshigs su bcad pa 'di dag smras
135a3 so/ /byams pa'i sems ni goms par bya/ /zhe sdang khro ba'i 'du shes spangs/ /snying rje chen pos sems can skyobs/ /kun la snying brtse mchi ma gzags/ /dga' ba chen po goms par bya/ /gzhan la'ang bdag dang 'thun pa'i chos/ /byang chub sems kyis
135a4 bskyab pa ni/ /byang chub sems dpa'i spyod par ldan/ /zhes tshigs su bcad pa 'di smras ma thag tu me dong du mchongs pa las/ brgya byin dang tshangs pa'i rgyal pos lag pa ya re nas zin te/ 'di skad ces smras so/ /'dzam bu'i gling gi 'gro ba thams cad ni rgyal po khyod kyi
135a5 bka' drin gyis mi bde ba'i bag med na da me dong du mchong na/ 'bangs thams cad kyi pha ma tshe 'phos pa dang 'dra bas/ ci'i phyir 'gro ba thams cad yongs su btang ste/ me dong du mchong zhes smras pa dang / rgyal bu des lha'i rgyal po dang 'khor mang po la bltas te/ khyod kyis
135a6 bdag bla na med pa'i byang chub tu sems bskyed pa'i bar du gcod pa'i las ma byed cig ces smras pa dang / thams cad cang mi smra ba dang / de ma thag tu me dong du mchongs so/ /de'i tshe gnam sa rab tu g.yos so/ /bar snang gi lha rnams kyang ngus nas mchi ma char bzhin bab bo/ /
135a7 me dong de yang me tog gi rdzing bur gyur to/ /rgyal bu de yang pad ma'i steng du 'dug par gyur nas/ lha thams cad kyis me tog gi char pus mo nub pa tsam du phab bo/ /de'i tshe de'i dus na rgyal po tshangs pa lha ni/ rgyal po yab zas gtsang ma lags so/ /de'i tshe de'i dus na
iiif viewer powered by OpenSeadragon
Texts on this page
D341 - mdzangs blun zhes bya ba'i mdo