| e-texts navigator |
| བོད་ཡིག |
134b1 grags brgya stong du 'gro ba zhig bskyon te/ 'dzam bu'i gling kun tu btang nas/ rgyal tshab da ma gam/ de ste zhag bdun na chos 'dod pa'i phyir me'i dong du mchong gis/ khyed mthong bar 'dod na myur du shog shig ces bsgo'o/ /de'i tshe rgyal phran dang / 'bangs mang po
134b2 dag ngu zhing nyam chung bdag kyang gcig gis gcig khrid de/ rgyal bu'i thad du lhags nas/ pus mo g.yas pa'i lha nga sa la btsugs te/ thal mo sbyar nas thams cad kyis tshig 'thun par 'di skad ces smras so/ /bdag cag ni rgyal bu khyod la brten te/ bdag
134b3 cag gi pha ma dang 'dra ba khyod me dong du mchong na/ 'bangs 'di dag thams cad la mgon skyabs dang / gnas med par 'gyur gyi mi 'ga' tsam gyi phyir/ 'bangs thams cad kyi dpung gnyen med par ma mdzad ces gsol pa dang / de nas rgyal bus mi mang po de dag la 'di
134b4 skad ces bsgo'o/ /nga ni yun ring po nas 'khor bar 'khor ba na/ lus grangs med pa zhig 'phos par gyur te/ mi'i nang du skyes pa na/ 'dod pas chog mi shes pas gcig la gcig 'tshe zhing gnod par gyur to/ /mtho ris kyi lhar skyes pa na yang lha'i tshe zad pa na/ 'dod
134b5 pa dang bral ba'i sdug bsngal myong ngo / /sems can dmyal bar skyes pa na yang mer tshig pa dang / zangs su bskol ba dang / ral gri dang mtshon chas dmyal zhing gtubs pa dang / gdug pa'i chu la 'bog pa dang / ral gri'i so la 'dzeg cing nyin gcig la yang tshe 'phos pa
134b6 grangs med pa zhig myong ste/ na ba dang 'chi ba'i sdug bsngal rus pa la thug pa brjod kyis mi lang ba zhig myong ngo / /su skyes pa na yang / lus kyis mi bzod pa'i sdug bsngal rnam pa sna tshogs myong ngo / /dud 'gro'i skye gnas su ni lus nyid chud gzan du gyur te/ khal lci
134b7 ba bkal nas rtswa las mi za ba'i sdug bsngal bzod par dka' ba myong bas/ lus dang srog chud gsan kyang / dam pa'i chos kyi phyir dge ba'i sems cung zad tsam yang bskyed ma myong bas/ da ni lus btsog pa dman pa 'di chos kyi phyir mchod pa byed kyis/ bdag gi bla na med pa'i
iiif viewer powered by OpenSeadragon
Texts on this page
D341 - mdzangs blun zhes bya ba'i mdo