| e-texts navigator |
| བོད་ཡིག |
129b1 mdzangs blun zhes bya ba'i mdo/ bam po dang po/ dpe sna tshogs bstan pa'i le'u/ 'di skad bdag gis thos pa'i dus gcig na/ bcom ldan 'das yul ma ga d+hA'i dkyil 'khor rnam par rgyal ba na bzhugs te/ mngon par rdzogs par sangs rgyas nas/
129b2 ring por ma lon pa zhig na 'di snyam du dgongs par gyur to/ /sems can 'di dag ni yun ring po nas phyin ci log gis yongs su bslad de/ bstan cing bcos su yang shin tu dka' bas/ ji srid du 'jig rten na bzhugs kyang phan pa'i don med kyis/ des na lhag ma ma lus pa'i mya ngan las
129b3 'da' bas yongs su mya ngan las 'da'o snyam du dgongs ma thag tu/ de'i tshe na tshangs ris kyi lha rnams kyis bcom ldan 'das kyi dgongs pa shes shing rtogs nas/ nam mkha' las babs te/ bcom ldan 'das gang na ba der lhags nas/ der phyin pa dang / zhabs la mgo bos phyag
129b4 'tshal nas thal mo sbyar te/ bcom ldan 'das la chos kyi 'khor lo bskor bar gsol zhing bskul ba dang / de la bcom ldan 'das kyis 'di skad ces bka' stsal to/ /tshangs ris kyi lha dag sems can 'di dag nyes pa'i dri mas yongs su glags te/ 'jig rten gyi bde ba la chags nas/
129b5 shes rab dang ldan pa'i sems med pas/ ci srid du 'jig rten na bzhugs kyang bya ba don med par 'gyur te/ mya ngan las 'das na bde'o snyam du dgongs so/ /de nas tshangs ris kyi lha rnams kyis/ yang bcom ldan 'das la 'di skad ces gsol to/ /bcom ldan 'das chos kyi rgya mtsho
129b6 yongs su gang ba/ chos kyi rgyal mtshan btsugs pa bstan cing 'dul ba'i dus la yang bab/ sems can 'di dag las grol bar 'gyur ba yang shin tu mang na/ ci'i slad du bcom ldan 'das mya ngan las 'da' bar dgongs te/ shin tu mdongs par gyur pa 'di dag gi mgon dang skyabs mi
129b7 mdzad/ bcom ldan 'das ni sngon bskal pa grangs ma mchis pa 'das pa'i pha rol na/ sems can gyi don du thos pa tshol zhing tshol ba na/ chung ngu na tshigs su bcad pa gcig tsam gyi slad du yang bdag gi lus dang / chung ma dang / bu dang / bu mo dang / ci'i slad du mgon ma mchis
iiif viewer powered by OpenSeadragon
Texts on this page
D341 - mdzangs blun zhes bya ba'i mdo