| e-texts navigator |
| བོད་ཡིག |
270b1 bar 'gyur ba dang / mi mdza' ba dag dang gnas kyang mkhas pa rnams yongs su 'dri bar mi sems pa dang / bag med pa nyam bag tu spyod par 'gyur ba dang / de bzhin gshegs pa'i gsung rab la kun nas mi gnas pa dang / mya ngan las 'das pa las
270b2 thag ring du 'gyur ba dang / smyon par 'gyur ba'i las byas shing bsags pas lus zhig ste shi nas ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te 'dir mi rnams dang skal ba mnyam par skyes na yang de gang dang
270b3 gang du skyes pa de dang der smyon par 'gyur zhing dran pa mi gsal bar 'gyur te/ dga' ba can 'bru'i chang dang bcos pa'i chang bag med pa'i gnas kyi nyes dmigs ni sum cu rtsa lnga po de dag yin par rig par bya'o/ /bcom ldan 'das kyis de skad ces bka'
270b4 stsal te/ bde bar gshegs pas de skad gsungs nas/ ston pas gzhan yang 'di skad bka' stsal to/ /srog gcod rdeg dang 'ching ba rnam spangs te/ /sems can dag la phan zhing snying brtse ba/ /bdag gi tshe skyabs dga' ba ji lta bar/ /de
270b5 bzhin gzhan rnams kyi ni srog kyang bsrung / /sdug bsngal mang pos bsags pa gzhan gyi nor/ /ma byin de la yid kyang bsam mi bya/ /'jig rten gyis mthong dga' dang bral 'gyur zhing / /gzhan yang de bzhin phan par gnas par gyis/ /gzhan
270b6 gyi bud med rgyan gyis brgyan pa dag / me lce 'bar ba bzhin du yongs spongs la/ /rang gi chung ma rnyed pas chog par byos/ /'dod rgyu dug dang 'dra ba ma spyod cig /rang gi don dang gzhan gyi don ched du/ /sus kyang shes bzhin dag ma smra bar/ /
270b7 gzhan la mi gnod gzhan la mi gdung bar/ /brtags te 'jam po'i tshig gis smra bar gyis/ /chang 'thung ba la mngon par dga' ba'i mi/ /bdag la phan dang gzhan la bde mi nus/ /rmongs dang mdog ngan byed pa chang yin te/ /ji ltar ha la'i dug bzhin
iiif viewer powered by OpenSeadragon
Texts on this page
D334 - 'phags pa dga' ba can gyi mdo