rKTs

e-texts navigator

Volume

Page

269b₁ gang dag gi chung ma kha drangs pas de dag dang de 'khon dang bcas par 'gyur ba dang / chung ma dang rtsod par 'gyur ba dang / de'i mi dge ba'i chos mngon par 'phel ba dang / de'i dge ba'i chos yongs su 'grib pa dang / de bdag nyid ma zhi bar 'gyur ba dang / de'i
269b₂ bu dang chung ma ma bsrungs par 'gyur ba dang / de'i nor ma sbas ma bsrungs par 'gyur ba dang / de'i khyim ma sbas ma bsrungs par 'gyur ba dang / de'i srog ma sbas ma bsrungs par 'gyur ba dang / de'i mdza' bshes dang / nye du dang / snag gi gnyen
269b₃ mtshams dang / blon po dag yid 'bebs par mi 'gyur ba dang / 'gran zla dang bcas par 'gyur ba'i las byas shing bsags pas lus zhig ste shi nas ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te
269b₄ 'dir mi rnams dang skal ba mnyam par skyes nas gal te bud med du gyur na yang 'gran zla dang bcas pa'i khyo rnyed par 'gyur ro/ /ci ste skyes par gyur na de'i bu dang chung ma ma bsrungs par 'gyur te/ dga' ba can 'dod pas log par g.yem pa'i nyes dmigs
269b₅ bcu ni de dag yin par rig par bya'o/ /dga' ba can du smra ba'i nyes dmigs bcu ni 'di dag yin par rig par bya ste/ bcu po dag gang zhe na/ de'i kha nas rnag mnam par 'gyur ba dang / de'i lus srung ba'i lhas 'phang ba dang / mi ma yin pas glags
269b₆ rnyed par 'gyur ba dang / bden par smras kyang de'i tshig la ma dad par 'gyur ba dang / dgos pa byung yang 'di la mkhas pa rnams yongs su 'dri bar mi sems pa dang / yang dag pa ma yin pa'i mi snyan pa rgya cher sgrogs par 'gyur ba dang / phyir ldang ba'i 'os
269b₇ ma yin par 'gyur ba dang / sdug bsngal zhing yid mi bde bar 'gyur ba dang / mi snyan pa brjod pa mang bar 'gyur ba'i las byas shing bsags pas lus zhig ste shi nas ngan song ngan 'gro log par ltung ba sems can dmyal ba dag tu skye zhing / gal te de nas shi 'phos

_{iiif viewer powered by OpenSeadragon}

269a - 270a

Texts on this page