| e-texts navigator |
| བོད་ཡིག |
261b1 thams cad 'dis bde bar gyur snyam du sems shing stor khung du 'bor bar byed na kun dga' bo 'on kyang bsod nams skye ba'i sgor 'gyur bar nga smra na mir gyur pa lta smos kyang ci dgos/ kun dga' bo gsum po 'di dag ni bar gyi bskal pa dag yin no/ /gsum
261b2 gang zhe na/ mtshon gyi bar gyi bskal pa dang / nad kyi bar gyi bskal pa dang / mu ge'i bar gyi bskal pa'o/ /kun dga' bo de la gang gis nyi ma gcig cig srog gcod pa spong zhing yang dag par blangs te/ gnas par byed na de mtshon gyi bar gyi bskal par
261b3 mi skye bar 'gyur ro/ /gang zhig gis a ru ra gcig tsam yang dge 'dun la 'bul bar byed na de nad kyi bar gyi bskal par mi skye bar 'gyur ro/ /gang zhig gis zas nal tse gang tsam dge 'dun la phul na de mu ge'i bar gyi bskal par mi skye bar 'gyur ro/ /
261b4 kun dga' bo dge ba'i rtsa ba gsum po 'di dag bskyed pa ni 'khor bar zad par mi 'gyur zhing yongs su gtugs par mi 'gyur la zad mi shes pa'i mya ngan las 'das pa thob par 'gyur bar byed pa yin no/ /gsum po gang dag ce na/ kun dga' bo sangs rgyas la
261b5 dge ba'i rtsa ba bskyed pa ni 'khor bar zad par mi 'gyur zhing yongs su gtugs par mi 'gyur la zad mi shes pa'i mya ngan las 'das pa thob par byed pa yin no/ /chos la dge ba'i rtsa ba bskyed pa dang / dge 'dun la bskyed pa ni 'khor bar zad par mi 'gyur zhing
261b6 yongs su gtugs par mi 'gyur la zad mi shes pa'i mya ngan las 'das pa thob par byed pa yin no/ /de nas bcom ldan 'das kyis de bzhin gshegs pa'i yon tan bstan pa'i phyir kun dga' bo la bka' stsal pa/ kun dga' bo khyod kyis 'dzam bu'i gling
261b7 gi gling mthong ngam/ kye btsun pa mthong lags so/ /kun dga' bo 'dzam bu'i gling gi gling ni zheng du ni dpag tshad bdun stong / chur yang dpag tshad bdun stong ste/ byang gi zhing ni che/ lho'i ni shing rta'i dbyibs so/ /de rigs kyi bu'am rigs kyi bu mo
iiif viewer powered by OpenSeadragon
Texts on this page
D332 - khang bu brtsegs pa'i mdo