rKTs

e-texts navigator

Volume

Page

254a₁ de lta bu 'dod par bya'o/ /dge slong dag rang gi lag pa nas sbyin pa byin pa'i 'bras bu rnam par smin pa 'dod par bya ba gang zhe na/ rang gi lag pa nas sbyin pa byin pas phyug por gyur pa nas/ mdza' bo dang / blon po dang / nye du dang / snag gi gnyen
254a₂ mtshams mang ba yin pa'i bar snga ma bzhin no/ /de'i khyim gyi longs spyod rgya chen po dag la yang sems 'jug pa yin/ zas kyi longs spyod rgya chen po dag dang / theg pa'i longs spyod rgya chen po dag dang / gos kyi longs spyod rgya chen po dag dang / mal cha'i longs spyod rgya chen
254a₃ po dag dang / gzugs dang / sgra dang / dri dang / ro dang / reg bya rgya chen po dag la yang sems 'jug pa yin te/ /dge slong dag rang gi lag pa nas sbyin pa byin pa'i 'bras bu rnam par smin pa de lta bu 'dod par bya'o/ /dge slong dag dus su sbyin pa byin pa'i 'bras bu rnam
254a₄ par smin pa 'dod par bya ba gang zhe na/ dus su sbyin pa byin pas phyug por 'gyur ba yin pa nas/ mdza' bo dang / blon po dang / nye du dang / snag gi gnyen mtshams mang po'i bar snga ma bzhin no/ /de'i nor dag kyang dus su thob pa dang / mang zhing 'thun pa mngon du 'byung
254a₅ ba yin te/ dge slong dag dus su sbyin pa byin pa'i 'bras bu rnam par smin pa de lta bu 'dod par bya'o/ /dge slong dag gzhan la mi gnod par sbyin pa byin pa'i 'bras bu rnam par smin pa 'dod par bya ba gang zhe na/ gzhan la mi gnod par sbyin pa byin pas phyug por 'gyur ba yin pa
254a₆ nas/ mdza' bo dang / blon po dang / nye du dang / snag gi gnyen mtshams mang ba'i bar snga ma bzhin no/ /de'i longs spyod gang dag brtson 'grus brtsams pas thob pa lags/ mthus bsgrubs pa rngul zhing dri ma chags chags su bsgrubs pa/ chos dang ldan pa chos
254a₇ kyis thob pa de dag la yang rgyal po'am/ rkun po'am/ me'am/ chu'am/ mi mdza' ba bgo skal la spyod pa 'am/ gang las kyang bar chad mi 'byung ba yin te/ gzhan la mi gnod par sbyin pa byin pa'i 'bras bu rnam par smin pa 'di la 'dod par bya'o/ /bcom ldan

_{iiif viewer powered by OpenSeadragon}

253b - 254b

Texts on this page