rKTs

e-texts navigator

Volume

Page

249b₁ gnyis pa'o/ / //gang zhig brgyan kyang chos spyod dul ba dang / /zhi zhing yang dag sdom la tshangs par spyod/ /'byung po kun la chad pas mi gcod de/ /bram ze dge sbyong de yin dge slong de/ /gcer bur spyod pas ma yin ral pas
249b₂ ma yin rdzab kyis min/ /kha zas mi za ba yis ma yin thang la nyal ba 'am/ /rdul dang dri mas ma yin cog pur 'dug la 'bad pa yis/ /mi rnams dag par mi 'gyur som nyi rnams las rgal mi 'gyur/ /dge sbyong bram ze gang yang rung / /de dag nyid
249b₃ la chags byed pa/ /zag pa zad pa ma thob par/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed pa/ /tshor ba zad pa ma thob par/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed
249b₄ cing / /byis pa mtha' gcig la lta ba/ /bar ma dor ni rnam par nyams/ /dge sbyong bram ze gang yang rung / /de dag nyid la chags byed pa/ /byis pa'i skye bo blo ngan rnams/ /bar ma dor ni rnam par nyams/ /dge sbyong bram ze gang yang rung / /de dag nyid la chags
249b₅ byed pa/ /go 'phang dam pa ma thob par/ /bar ma dor ni rnam par nyams/ /blo ngan khyod kyi ral pa ci/ /khyod kyi g.yang gzhi gyon pa ci/ /khyod nang thibs por 'dug bzhin du/ /phyi rol legs par byi dor byed/ /blo ngan khyod kyi ral pa ci/ /khyod kyi g.yang gzhi gyon pa ci/ /
249b₆ khyod nang dri ma ldan bzhin du/ /phyi rol legs par byi dor byed/ /rigs kyis bram zer 'gyur ma yin/ /ral pas ma yin rus kyis min/ /gang zhig bden pa'i chos ldan pa/ /gtsang ma de yin bram ze yin/ /rigs kyis bram zer 'gyur ma yin/ /ral
249b₇ pas ma yin rus kyis min/ /gang zhig sdig pa che chung rnams/ /thams cad spong bar byed pa dag /sdig pa rnams ni spangs phyir de/ /bram ze yin zhes nges par brjod/ /mgo bo bregs tsam dge sbyong min/ /oM zhes zer ba bram ze min/ /gang zhig

_{iiif viewer powered by OpenSeadragon}

249a - 250a

Texts on this page