rKTs

e-texts navigator

Volume

Page

245b₁ med pa'i dga' ba myong / /gang zhig yid gzhungs dben dga' dben gnas pas/ /rtag tu rang gi lus kyis spyod lam dang / /smra dang yid ni srung bar byed pa de/ /mya ngan spong zhing sdug bsngal 'thob mi 'gyur/ /ma bsrungs pa yi sems dag ni/ /log par
245b₂ lta bas bcom pa dang / /gnyid dang rmugs pas zil non pa/ /bdud kyi dbang du 'gro bar 'gyur/ /de bas sems ni bsrung byas te/ /yang dag lta bas mdun bdar cing / /yang dag kun rtog spyod yul can/ /yang dag skye dang 'jig pa shes/ /gnyid dang
245b₃ rmugs pa zil gnon pa'i/ /dge slong sdug bsngal zad pa 'thob/ /bag yod sems ni bsrung ba dang / /sems dul yang dag sdom pa bde/ /skye dgu sems kyis bslus pa dag /gcig tu sems can dmyal bar 'tshed/ /bag yod sems ni bsrung ba
245b₄ dang / /sems dul yang dag sdom pa bde/ /skye dgu sems kyis bslus pa dag /gcig tu dud 'gro rnams su 'tshed/ /bag yod sems ni bsrung ba dang / /sems dul yang dag sdom pa bde/ /skye dgu sems kyis bslus pa dag /gcig tu
245b₅ rnams su 'tshed/ /bag yod sems ni bsrung ba dang / /sems dul yang dag sdom pa bde/ /skye dgu sems ni bsrung ba dag /gcig tu mi yi nang du dga'/ /bag yod sems ni bsrung ba dang / /sems dul yang dag sdom pa bde/ /skye dgu sems
245b₆ ni bsrung ba dag / gcig tu mtho ris rnams su dga'/ /bag yod sems ni bsrung ba dang / /sems dul yang dag sdom pa bde/ /skye dgu sems ni bsrung ba dag /gcig tu mya ngan 'das pa 'thob/ /sems kyi tshoms te sum cu rtsa gcig pa'o// //dge slong
245b₇ bsod snyoms byed pa bdag rang tsam/ /'grangs par byed kyi gzhan dag mi gso ba/ /rtag tu nyer zhi dran dang ldan pa yi/ /skyob pa de la lha rnams dga' bar byed/ /dge slong bsod snyoms byed pa bdag rang tsam/ /'grangs par byed kyi gzhan dag mi gso ba/ /skyob pa

_{iiif viewer powered by OpenSeadragon}

245a - 246a

Texts on this page