rKTs

e-texts navigator

Volume

Page

216a₁ ba'i lam/ /myur ba kho nar rnam par 'dag /me tog dri ni rdzi phyogs min mi 'gro/ /rtsa ba rgya spos tsan dan rnams kyang min/ /dam pa'i dri ni rdzi phyogs mi 'gro ste/ /phyogs rnams kun du mi mchog dri yis khyab/ /rgya spos dang ni tsan dan dang / /ud
216a₂ pa la dang ma li ka/ /spos kyi rigs ni 'di dag pas/ /tshul khrims dri bsung phul du phyin/ /rgya spos tsan dan gang yin pa'i/ /dri bsung 'di ni chung ngu ma/ /tshul khrims ldan pa'i dri bsung gang / /des ni 'di dang mtho ris khyab/ /de ltar bag yod gnas bya zhing / /tshul khrims
216a₃ rnam par dag par bya/ /yang dag shes pas rnam grol na/ /bdud kyi lam ni rnyed mi 'gyur/ /'di ni bde bar 'gro lam ste/ /rnam par dag byed lam 'di la/ /rab tu zhugs te bsgoms nas kyang / /bdud kyi 'ching ba spang bar gyis/ /tshul khrims kyi tshoms te drug
216a₄ pa'o/ / //lus kyi nyes par spyod spangs shing / /lus kyi legs spyad spyad pa'i phyir/ /lus kyi nyes chen las bsrungs na/ /lus ni bsdam pa byas par 'gyur/ /ngag gi nyes par spyad spangs shing / /ngag gi legs spyad spyad pa'i phyir/ /ngag gi nyes
216a₅ chen las bsrungs na/ /ngag ni bsdam pa byas par 'gyur/ /yid kyi nyes par spyod spangs shing / /yid kyi legs spyad spyad pa'i phyir/ /yid kyi nyes chen las bsrungs na/ /yid ni bsdam pa byas par 'gyur/ /lus kyi nyes par spyod spang zhing / /ngag gi nyes par
216a₆ spyod pa spang / /yid kyi nyes par spyod spang zhing / /skyon gzhan ldan pa gang yin spang / /lus kyi dge bya rnams bya zhing / /ngag gi dge ba phal chen bya/ /yid kyi dge ba rnams bya zhing / /tshad med bzhi dang ldan par bya/ /lus kyi dge ba rnams bya zhing / /ngag dang yid
216a₇ kyis byas na ni/ /'di dang pha rol dag tu yang / /rtag tu bde ba thob par 'gyur/ /rtag tu lus ni bsdams pa'i phyir/ /thub pa 'tshe ba med pa yin/ /de ni 'chi med gnas 'gro zhing / /gang du song na'ang mya ngan med/ /rtag tu ngag ni bsdams pa'i phyir/ /thub pa

_{iiif viewer powered by OpenSeadragon}

215b - 216b

Texts on this page