| e-texts navigator |
| བོད་ཡིག |
188a1 rgyas bcom ldan 'das rnams kyi phyag dang zhabs dpal gyi be'u dang / bkra shis dang / g.yung drung 'khyil pa dang 'khor lo dang rdo rje dang pad ma dang nya la sogs pa'i mtshan yod pa yin te/ 'di dag ni dpe byad bzang po brgyad cu'o/ /
188a2 dge slong dag khyed la chos bshad par bya ste/ tshangs par spyod pa dang thog mar dge ba/ bar du dge ba/ tha mar dge ba dang / don bzang po/ tshig 'bru bzang po ma 'dres pa/ yongs su rdzogs pa/ yongs su dag pa/ yongs su byang ba 'di lta ste/
188a3 don rnam par nges pa zhes bya ba'i chos kyi rnam grangs yang dag par rab tu bshad par bya zhes gang smras pa de ni bshad pa 'di yin no/ /dge slong dag 'di dag ni dgon pa'i gnas sam/ shing drung ngam/ khang stong ngam/ ri sul lam/ ri phug gam sog
188a4 khrod dam/ bla gab med pa'am/ dur khrod dam/ nags tshal gyi mthongs sam/ bas mtha'i mal stan dag tu nges par bsam gtan du gyis shig /dge slong dag bag med par gyur nas phyis 'gyod par gyur ta re/ 'di ni nged kyis rjes su bstan pa'o/ /
188a5 chos kyi rnam grangs 'di bshad pa na dge slong lnga brgya nye bar len pa med par zag pa rnams las sems rnam par grol lo/ /bcom ldan 'das kyis de skad ces bka' stsal nas/ dge slong de dag dang lha dang mi dang lha ma yin dang / dri zar bcas pa'i 'jig
188a6 rten dang thams cad dang ldan pa'i 'khor de dag yi rangs te/ /bcom ldan 'das kyis gsungs pa la mngon par bstod do/ /don rnam par nges pa zhes bya ba'i chos kyi rnam grangs rdzogs so// //rgya gar gyi mkhan po dzi na mi tra dang / pra dz+nyA ba rma
188a7 dang / zhu chen gyi lo ts+tsha ba ban+de ye shes sdes bsgyur cing zhus te gtan la phab pa// @##/ /rgya gar skad du/ Ar+ya ar+tha bi sta ra nA ma d+ha rma pa r+yA ya/ bod skad du/ 'phags pa don rgyas pa zhes bya ba'i chos kyi
iiif viewer powered by OpenSeadragon
Texts on this page
D317 - don rnam par nges pa zhes bya ba'i chos kyi rnam grangs
D318 - 'phags pa don rgyas pa zhes bya ba'i chos kyi rnam grangs