rKTs

e-texts navigator

Volume

Page

184b₁ bcas pa dang / dge sbyong dang bram zer bcas pa dang / lha dang mi dang lha ma yin du bcas pa'i skye dgu las gang gis kyang khyod kyis chos 'di dag mngon par rdzogs par sangs ma rgyas so zhes de la rgol ba'i mtshan ma de yang dag par rjes su mi mthong ngo / /de bzhin
184b₂ gshegs pas mtshan ma yang dag par rjes su mi mthong bas bde ba thob cing mi 'jigs pa thob par gnas shing khyu mchog gi gnas su dam bcas te/ 'khor gyi nang du song nas seng ge'i sgra yang dag par sgrog cing dge sbyong ngam/ bram ze'am sus kyang chos
184b₃ dang 'thun par 'jig rten du ma bskor ba'i tshangs pa'i 'khor lo rab tu bskor ba dang / yang gang dag de bzhin gshegs pas bar du gcod pa'i chos su gsungs pa de dag bsten kyang bar du gcod par mi 'gyur ro zhes 'dir de la zhes bya bar rgyas par sbyar ba dang / gang
184b₄ yang 'dis 'phags pa nges par 'byung ba'i lam bsten pa de dag bstan pa de bsten kyang sdug bsngal yang dag par zad par bya ba'i phyir nges par 'byung ba ma yin no/ /zhes gang yang 'dir de la zhes bya bar rgyas par sbyar ba dang / nga zag pa zad do zhes bdag nyid
184b₅ zhal gyis 'che ba la 'dir lha dang bcas pa dang / bdud dang bcas pa dang tshangs pa dang bcas pa'i 'jig rten dang / dge sbyong dang bram zer bcas pa dang lha dang mi dang lha ma yin du bcas pa'i skye dgu las gang gis kyang zag pa 'di dag yongs su ma zad do zhes
184b₆ de la rgol ba'i mtshan ma de yang dag par rjes su mi mthong ngo / /de bzhin gshegs pas mtshan ma yang dag par rjes su mi mthong bas bde ba thob cing mi 'jigs pa thob par gnas shing khyu mchog gi gnas su dam bcas te/ 'khor gyi nang du song nas seng ge'i
184b₇ sgra yang dag par sgrog cing dge sbyong dang bram ze'am/ sus kyang chos dang 'thun par 'jig rten du ma bskor ba'i tshangs pa'i 'khor lo rab tu bskor ba ste/ 'di dag ni mi 'jigs pa bzhi'o/ /de la de bzhin gshegs pa'i so so yang dag par rig pa bzhi gang zhe na/

_{iiif viewer powered by OpenSeadragon}

184a - 185a

Texts on this page