rKTs

e-texts navigator

Volume

Page

168b₁ dang ldan pa rab mthong gis las ci bgyis na las gang yang rnam par smin pa phyug cing nor mang la longs spyod dang ldan pa'i rigs su skyes/ gzugs mdzes shing lha dang mis mchod pa'i mchog tu gyur/ bsod nams chen po dang ldan pa shes par 'tshal lags so zhes zhus
168b₂ pa dang / bcom ldan 'das kyis bka' stsal pa/ dge slong dag 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes
168b₃ bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ rgyal po gnyen ldan gyi khab na bzhugs te/ dus de'i tshe zhal zhal mkhan gyi rigs las phyug pa ga ge mo zhes bya ba zhig gis rnam par
168b₄ gzigs kyi slad du gtsug lag khang brtsigs te/ me tog dang 'bras bu'i shing legs par btsugs te/ kun tu dri bsung gi ngad dang ldan pa 'byung bar 'gyur te phul/ ston pa de nyid kyi bstan pa la yang rab tu byung / yang dag par rdzogs pa'i sangs rgyas rnam
168b₅ par gzigs mya ngan las 'das nas sku gdung gi mchod rten gyi rmang gi 'og tu rin po che'i rdo ring cig bsgreng ngo / /zhal zhal mkhan gyi rigs las rab tu byung ba de'i 'khor mang po yang rjes su yi rang zhing mos par gyur te/ khyed ston pa la mos par gyur pa de bzhin du
168b₆ bdag cag kyang dad cing mos par bgyid de/ ston pa'i bka' bzhin du bgyid cing mnyes par bgyid la mi mnyes par ma gyur cig ces smon lam btab bo/ /dge slong dag ji snyam du sems de'i tshe de'i dus na zhal zhal mkhan gang yin pa de ni tshe dang ldan pa rab mthong chen po nyid
168b₇ yin la/ skye dgu'i lus can de dag ni da ltar gyi lha dang mi 'di dag yin te da ltar yang 'dul bar byed pa yin no/ /gzhan yang bcom ldan 'das 'od srung gi bstan pa la rab tu byung ste/ de'i mkhan po ni lha dang mis mchod pa'i mchog tu gyur pa yin te ji ltar bdag gi mkhan

_{iiif viewer powered by OpenSeadragon}

168a - 169a

Texts on this page