rKTs

e-texts navigator

Volume

Page

166a₁ khri yang de na gnas par gyur to/ /'dir ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo sum khri thub pa na yang dag par rdzogs pa'i sangs rgyas gser thub ces bya ba 'jig rten du byung ste/ de'i dge slong
166a₂ chos 'phags zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri de la rtswa'i rigs kha dog ljang lo can zhes bya ba skye bas kha dog ljang lo ri zhes btags par gyur/ thig le zhes bya ba'i klu mo gnas pas thig le'i nags zhes btags par
166a₃ gyur/ shing ka pi ta skye bas ka pi ta'i phug ces btags par gyur/ yang dag par rdzogs pa'i sangs rgyas gser thub 'khor dgra bcom pa bzhi khri dang gshegs shing thabs cig tu bzhugs par gyur/ de dag kyang mya ngan las 'das bstan pa nub nas/ rang
166a₄ sangs rgyas sum khri yang gshegs shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang srong nyi khri yang de nyid na gnas par gyur to/ /'dir ni btsun pa rab mthong chen po sngon byung ba bskal pa bzang po 'di nyid
166a₅ la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba 'jig rten du byung ste/ de'i dge slong she Do ka zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri la rtswa'i rigs zla ba zhes bya ba skye bas zla ba'i ri
166a₆ zhes btags par gyur/ klu mo rgyal ba zhes bya ba gnas pas rgyal ba'i nags zhes bya bar btags par gyur/ shing 'dzam bu zhes bya ba skye bas 'dzam bu'i phug ces btags par gyur/ yang dag par rdzogs pa'i sangs rgyas 'od srung 'khor dgra bcom pa nyi
166a₇ khri dang gshegs shing thabs cig tu bzhugs par gyur/ de dag kyang mya ngan las 'das bstan pa nub nas/ rang sangs rgyas khri lnga stong gshegs shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang

_{iiif viewer powered by OpenSeadragon}

165b - 166b

Texts on this page