rKTs

e-texts navigator

Volume

Page

164b₁ zhes sgra sgrogs shing song ba dang / rim gyis lha dang mis mchod pa byas shing mnyan yod du phyin no/ /de nas lam gyis dub pa rta bstis te bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu
164b₂ 'khod do/ /de nas bcom ldan 'das kyis de dag la chos bstan pa mdzad de/ de'i 'khor lnga brgya po dag lta ba mchog tu 'dzin pa bshig bcom ste/ bden pa mthong ste de nyid du rab tu byung dge slong gi dngos po bzung ste/ nyon mongs pa thams cad bcom nas dgra
164b₃ bcom pa mngon du byas te dga' bo ni ma gtogs so/ /skye bo mang po kun gyis kyang chos khong du chud do/ /ston pa chen po rab mthong lta ba'i phyir lha la sogs pa dag kyang 'ongs te der phyin pa dang / bcom ldan 'das kyis dge slong rnams la bka' stsal pa/ dge slong
164b₄ dag dge slong rab mthong 'di ni nga'i dge slong dang dge slong dag gi nyan thos dag la ji ltar lha dang mi mchod pa byed pa de dag gi nang na lha dang mis mchod par bya ba'i mchog ni dge slong rab mthong yin no zhes bcom ldan 'das kyis bka' stsal to/ /de nas dus de nyid du mi
164b₅ mjed kyi bdag po tshangs pa dang / lha rnams kyi dbang po brgya byin dang / 'jig rten skyong ba bzhi dang / gnod sbyin gyi sde dpon chen po nyi shu rtsa brgyad dang / dri za'i rgyal po dang / grul bum gyi sde dpon chen po la sogs pa rang rang gi gnas nas song ste/ tshe dang ldan pa
164b₆ rab mthong chen po ga la ba der song ste phyin nas phyogs gcig tu 'khod de mngon du phyogs thal mo sbyar te 'di skad ces smras so/ /kye btsun pa rab mthong chen po sngon gyi bcom ldan 'das yang dag par rdzogs pa'i sangs rgyas gshegs shing bzhugs pa'i gnas rang sangs
164b₇ rgyas kyi bzhugs gnas/ 'dod chags dang bral ba dag gis gnas par bya ba drang srong gi gnas su gyur/ de kho na nyid nges par mkhyen nas 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba 'jig rten du byung ste/

_{iiif viewer powered by OpenSeadragon}

164a - 165a

Texts on this page