| e-texts navigator |
| བོད་ཡིག |
156b1 chung dang / tshad med 'od dang / 'od gsal ba ste/ de dag gi yang gson pa'i mtha' 'chi ba yin zhing mthar 'chi bar 'gyur ba ste/ skyes nas 'chi bar mi 'gyur ba med do/ /gang yang bsam gtan gsum pa thob pa'i lha rnams te/ dge chung dang / tshad med dge
156b2 dang / dge rgyas pa ste/ de dag gi gson pa'i mtha' yang 'chi ba yin zhing mthar yang 'chi bar 'gyur te/ /skyes nas 'chi bar mi 'gyur ba med do/ /gang yang bsam gtan bzhi pa thob pa'i lha rnams te/ sprin med dang / bsod nams 'phel dang / 'bras bu che ba
156b3 dang / 'du shes med pa'i sems can dang / mi che ba dang / mi gdung ba dang / shin tu mthong ba dang / gya nom snang dang / 'og min gyi lha rnams te/ de dag gi gson pa'i mtha' yang 'chi ba yin zhing mthar 'chi bar 'gyur ba ste/ skyes nas 'chi bar mi 'gyur
156b4 ba med do/ /gang yang gzugs med pa'i lha rnams te/ nam mkha' mtha' yas skye mched du nye bar gtogs pa dang / rnam shes mtha' yas skye mched du nye bar gtogs pa dang / ci yang med pa'i skye mched du nye bar gtogs pa dang / 'du shes med 'du
156b5 shes med min skye mched du nye bar gtogs pa'i lha rnams te/ de dag gi gson pa'i mtha' yang 'chi ba yin zhing mthar 'chi bar 'gyur ba ste/ /skyes nas 'chi bar mi 'gyur ba med do/ /gang yang dgra bcom pa/ zag pa zad pa/ bya ba byas pa/ byed pa byas pa/
156b6 khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa de rnams kyang yid du 'ong ba'i lus spong bar byed pa'i chos can
156b7 no/ /gang yang rang sangs rgyas bse ru lta bu dang / tshogs na spyod pa bdag nyid gcig pu 'dul bar byed cing bdag nyid zhi bar byed pa/ bdag nyid yongs su mya ngan las 'da' bar byed pa de rnams kyang yid du 'ong ba'i lus spong bar byed pa'i chos can no/ /gang yang de
iiif viewer powered by OpenSeadragon
Texts on this page
D310 - mi rtag pa nyid kyi mdo