rKTs

e-texts navigator

Volume

Page

145b₁ gang du yang dang yang du dmyal ba rnams dang / yang dang yang du dud 'gro rnams dang / yang dang yang du ngan song ngan 'gro log par ltung ba rnams su kun tu rgyug kun tu rab tu rgyug go/ /dge slong dag de lta bas na de'i phyir 'di ltar bslab par bya ste/ srid pa rgyun chad par bya ba gang
145b₂ yin pa la brtson par bya zhing srid pa mngon par mi bsgrub par bya'o/ /dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do//
145b₃ tshe'i mtha'i mdo rdzogs so// //rgya gar gyi mkhan po bi shud d+ha sing ha dang / lo ts+tsha ba ban de dge ba'i dpal gyis bsgyur/ rgya gar gyi mkhan po bid+yA ka ra sing ha dang / zhu chen gyi lo ts+tsha ba ban de dpal brtsegs gyis zhu chen bgyis te gtan la phab pa// //
145b₄ @##/ /rgya gar skad du/ a yuHpat+ti ya thA kA ro pa ri pr-i ts+tshA sU tra/ bod skad du/ tshe 'pho ba ji ltar 'gyur ba zhus pa'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das na
145b₅ grong khyer chen po ser skyar khyim bdag thams cad 'dul ba'i dus la bab par gzigs nas de dag dad pa bskyed par bya ba'i phyir/ 'khor lnga brgya dang bcas par gshegs pa las/ de'i tshe shAkya dga' skyes zhes bya ba dar la bab pa/ gnyen gyi skye bo thams cad la rab tu
145b₆ gces pa/ mi thams cad kyis bkur ba'i gnas su gyur pa zhig tshe 'phos pa'i phung po'i drung na de'i bu dang / chung ma dang / spun dang / g.yog 'khor rnams kyis rta'i tshogs dang / glang po che'i tshogs dang / gos dang / rgyan sna tshogs pa yang bsags/ gser
145b₇ dngul dang / mu tig dang / shel la sogs pa'i rin po che sna tshogs pa yang bsags/ bza' ba dang / btung ba ro zhim po mngar ba sna tshogs pa yang bsags te/ smre sngags 'don cing dga' skyes la gsol lo zhes mchod pa byed pa dang / rgyal po zas gtsang mas bsams

_{iiif viewer powered by OpenSeadragon}

145a - 146a

Texts on this page