rKTs

e-texts navigator

Volume

Page

145a₁ ni bskal pa nyis stong thub ste/ bar ma dor 'chi ba ni yod do/ /dge slong dag shin tu mthong gi lha rnams kyi tshe'i tshad ni bskal pa bzhi stong thub ste/ bar ma dor 'chi ba ni yod do/ /dge slong dag gya nom snang gi lha rnams kyi tshe'i tshad ni bskal pa brgyad stong thub ste/ bar
145a₂ ma dor 'chi ba ni yod do/ /dge slong dag 'og min gyi lha rnams kyi tshe'i tshad ni bskal pa khri drug stong thub ste/ bar ma dor 'chi ba ni yod do/ /dge slong dag nam mkha' mtha' yas skye du nye bar 'gro ba'i lha rnams kyi tshe'i tshad ni bskal pa nyi khri ste/ bar ma dor 'chi ba ni yod
145a₃ do/ /dge slong dag rnam shes mtha' yas skye mched du nye bar 'gro ba'i lha rnams kyi tshe'i tshad ni bskal pa bzhi khri ste/ bar ma dor 'chi ba ni yod do/ /dge slong dag ci yang med pa'i skye mched du nye bar 'gro ba'i lha rnams kyi tshe'i tshad ni bskal pa drug khri ste/ bar ma dor 'chi ba
145a₄ ni yod do/ /dge slong dag 'du shes med 'du shes med min skye mched du nye bar 'gro ba'i lha rnams kyi tshe'i tshad ni bskal pa brgyad khri ste/ bar ma dor 'chi ba ni yod do/ /dge slong dag de ltar dmyal ba chen po mnar med pa nas 'du shes med 'du shes med min skye mched kyi bar
145a₅ de dag ni dge slong dag srid pa'i rtse mo dang / de dag ni srid pa'i rtse mo yin no/ /de dag ni srid pa 'byung ba yin te/ de dag ni 'gro ba lnga'i sems can rnams 'ong ba dang / 'gro ba dang / gnas pa dang / 'chi ba dang / skye bar snang ngo / /srid pa'i 'byung bas chog shes par gyis
145a₆ shig / nga ni srid pa mngon par sgrub pa chung ngu la yang / tha na de'i skad cig tsam yang bsngags pa mi mdzad do/ /de ci'i phyir zhe na/ srid pa mngon par sgrub pa ni sdug bsngal yin pa'i phyir te/ dper na mi gtsang ba ni nyung ngu yang mi zhim na mang po lta ci smos/ de ltar de
145a₇ bzhin du nga ni srid pa mngon par sgrub pa chung ngu la yang tha na de'i skad cig tsam yang bsngags pa mi mdzad do/ /de ci'i phyir zhe na/ dge slong dag srid pa mngon par sgrub pa ni sdug bsngal yin pa'i phyir ro/ /so so'i skye bo byis pa thos pa dang mi ldan pa de dag ni 'gro ba lnga po'i 'khor ba

_{iiif viewer powered by OpenSeadragon}

144b - 145b

Texts on this page