| e-texts navigator |
| བོད་ཡིག |
143b1 tshe'i mtha' nyan par 'dod dam/ bcom ldan 'das de'i dus la bab lags so/ /bde bar gshegs pa de'i dus la bab lags so/ /bcom ldan 'das las dge slong dag gis gang chu bur can du skyes pa'i sems can rnams kyi tshe'i mtha' bstan pa thos nas dge slong
143b2 dag 'dzin par bgyid lags so/ /dge slong dag de'i phyir legs par rab tu nyon la yid la zung shig dang bshad do/ /dge slong dag 'di lta ste/ 'di la til yul ko sa la'i khal bcu tshad nyi shu shong ba'i khal bcu tshad nyi shu pa til gyis byur bur gang bar gyur pa de las mi la
143b3 la zhig brgya 'das shing til 'bru gcig bor te/ til khal bcu tshad nyi shu shong ba'i khal bcu tshad nyi shu pa de thabs 'dis myur du yongs su zad cing gtugs par gyur kyang / dge slong dag chu bur can du skyes pa'i sems can rnams kyi tshe'i tshad ni de lta ma yin par nga smra'o/ /
143b4 chu bur can gyi nyi shu ji lta ba de ltar chu bur rdol gyi gcig yin no/ /chu bur rdol gyi nyi shu ji lta ba de ltar so thams thams kyi gcig yin no/ /so thams thams kyi nyi shu ji lta ba de ltar kyi hud zer gyi gcig yin no/ /kyi hud zer gyi nyi shu ji lta ba de ltar a cu zer gyi gcig yin
143b5 no/ /a cu zer gyi nyi shu ji lta ba de ltar ud pa la ltar gas pa'i gcig yin no/ /ud pa la ltar gas pa'i nyi shu ji lta ba de ltar pad ma ltar gas pa'i gcig yin no/ /pad ma ltar gas pa'i nyi shu ji lta ba de ltar pad ma ltar gas pa chen po'i gcig yin no/ /lha sbyin
143b6 gyi phyogs dge slong ko ka li kas dge slong shA ri'i bu dang / maud gal gyi bu la zhe sdang gi sems bskyed pas rang gi lus de nyid kyis sems can dmyal ba chen po pad ma ltar gas pa chen por skyes so/ /dge slong dag de lta bas na de'i phyir 'di ltar bslab par bya ste/ sdong dum
143b7 tshig pa la yang zhe sdang gi sems bskyed par mi bya na rnam par shes pa dang ldan pa'i lus la lta smos kyang ci dgos pa de ltar dge slong dag khyed kyis bslab par bya'o/ /de nas bcom ldan 'das kyis de'i tshe tshigs su bcad de bka' stsal pa/ mi zhig skyes par gyur pa na/ /
iiif viewer powered by OpenSeadragon
Texts on this page
D307 - tshe'i mtha'i mdo