| e-texts navigator |
| བོད་ཡིག |
141b1 ma zos pa dang / rab tu myos pas ma zos pa ste/ zos pa gang yin pa dang / ma zos pa gang yin pa de dag gcig tu bsdoms na ma'i nu zho 'thung ba gtogs par za ma bdun khri nyis stong du 'gyur ro/ /dge slong de ltar ngas 'dzam bu'i gling gi mi rnams kyi tshe yang bshad
141b2 dus tshigs dang / zla ba dang / zla ba phyed pa dang / nyin zhag dang / zan dang / zan bar chad du gyur pa yang bshad pa yin no/ /dge slong dag mi rnams kyi tshe lo lnga bcu gang yin pa de ni rgyal chen bzhi'i ris kyi lha rnams kyi nyin zhag gcig go/ /de sum cu la zla ba gcig /
141b3 zla ba bcu gnyis la lo gcig ste/ rgyal chen bzhi'i ris kyi lha rnams kyi tshe'i tshad ni lo de lta bur brtsis pa'i lha'i lo lnga brgya ste/ de mi'i lo ltar brtsis na lo sa ya phrag dgu yod de/ bar ma dor 'chi ba ni yod do/ /de ni sems can dmyal ba chen po yang sos kyi nyin zhag
141b4 gcig go/ /nyin zhag de sum cu la zla ba gcig /zla ba bcu gnyis la lo gcig ste/ sems can dmyal ba chen po yang sos kyi sems can dmyal ba rnams kyi tshe tshad ni lo de lta bu brtsis pa'i lo lnga brgya ste/ de mi'i ltar brtsis na lo bye ba phrag 'bum drug khri nyis stong
141b5 yod de/ bar ma dor 'chi ba ni yod do/ /de nas bcom ldan 'das kyis de'i tshe tshigs su bcad de bka' stsal pa/ lus kyis nyes par spyad byas shing / /ngag gis nyes par spyad pa dang / /yid kyis nyes par spyad byas shing / /gang zhig nyes pa gzhan ldan pa'i/ /las
141b6 de dag gis yang sos kyi/ /dmyal ba dag tu skye 'gyur te/ /lo ni bye ba phrag stong du/ /btags shing bcom yang yang 'tsho'o/ /phan tshun khon dag chags pa yi/ /mi rnams gsod pa'i mi dag ni/ /las de dag gis yang sos kyi/ /dmyal ba dag tu skye bar 'gyur/ /
141b7 dge slong dag mi rnams kyi lo brgya gang yin pa de ni sum cu rtsa gsum pa'i lha rnams kyi nyin zhag gcig go/ /nyin zhag de sum cu la zla ba gcig go/ /zla ba bcu gnyis la lo gcig ste/ sum cu rtsa gsum gyi lha rnams kyi tshe'i tshad ni lo de lta bur brtsis pa'i lha'i lo stong thub bo/ /
iiif viewer powered by OpenSeadragon
Texts on this page
D307 - tshe'i mtha'i mdo