| e-texts navigator |
| བོད་ཡིག |
138b1 spyod pa bsgrub dka' ba la brten nas 'dod chags rnam par gnon par 'gyur la/ gti mug spyod pa yang sbyangs pa'i yon tan sten pa yang dag par blangs pa yo byad bsnyungs pa la brten nas rtag tu bag yod par 'gyur zhing bag yod na gti mug rnam par gnon par
138b2 'gyur ro/ /de lta bas na 'dod chags spyod pa dang / gti mug spyod pa sbyangs pa'i yon tan sten par dga'o/ /zhe sdang spyod pa ni bsgrub dka' na mkhris pa'i nad la drod bag byin pa bzhin du phyir zhe sdang skye bar 'gyur te/ de lta bas na zhe sdang spyod pa ni sbyangs pa'i yon
138b3 tan bsten par dka' ba yin no/ /gzhan dag na re zhe sdang spyod pa ni dgon pa pa nyid dang / shing drung pa nyid la dga'o/ /de ci'i phyir zhe na/ dgon pa dang / shing drung na gnas na de dag tu mi 'dod pas gtse ba'i nyes pa med pa'i phyir ro zhes zer ro/ /sbyangs pa'i yan
138b4 lag ni dus kyi mthar thug pa ni du zhig ces bya ba ni/ sbyangs pa'i yan lag gsum po shing drung pa nyid dang / bla gab med pa nyid dang / dur khrod pa nyid ni zla ba brgyad kyi mthar thug par bya ste/ dbyar ni g.yogs par gnas par bcom ldan 'das kyis gnang ngo / /ci
138b5 sbyangs pa de nyid sbyangs pa smra ba yang de yin nam zhes bya ba ni sbyangs pa yin la sbyangs pa smra ba yin pa yang yod/ sbyangs pa ma yin la sbyangs pa smra ba yin pa yang yod/ sbyangs pa yin la sbyangs pa smra ba ma yin pa yang yod/ sbyangs pa yang ma yin sbyangs pa smra ba yang ma yin pa
138b6 yang yod do/ /de la sbyangs pa yang yin/ sbyangs pa smra ba yang yin pa yang yod ces bya ba ni dgra bcom pa sbyangs pa'i yon tan yang dag par blangs pa dang ldan pa'o/ /sbyangs pa ma yin la sbyangs pa smra ba yin pa yang yod ces bya ba ni dgra bcom pa sbyangs pa'i yon tan yang
138b7 dag par blangs pa dang mi ldan pa'o/ /sbyangs pa yin la sbyangs pa smra ba ma yin pa yang yod ces bya ba ni slob pa'am/ so so'i skye bo sbyangs pa'i yon tan yang dag par blangs pa dang ldan pa'o/ /sbyangs pa yang ma yin sbyangs pa'i yon tan smra ba yang ma yin pa yang yod ces bya ba
iiif viewer powered by OpenSeadragon
Texts on this page
D306 - rnam par grol ba'i lam las sbyangs pa'i yon tan bstan pa zhes bya ba