| e-texts navigator |
| བོད་ཡིག |
138a1 ni sbyangs pa'i yon tan bstan par dga'/ sbyangs pa'i yan lag ni du zhig /mthar thug pa ni du zhig /ci sbyangs pa'i de nyid sbyangs pa smra ba yang de yin nam zhe na/ de la sbyangs pa'i yan lag ces bya ba ni gzhi bcu gsum po de dag gi spong ba gang yin pa
138a2 de ni sbyangs pa'i yan lag yin no/ /sbyangs pa'i yon tan cir brjod par bya zhe na/ dge bar brjod par bya'o/ /sbyangs pa'i chos du zhe na/ sbyangs pa'i chos ni gnyis te/ ma chags pa dang / gti mug med pa ste/ bcom ldan 'das kyis ji skad du phyag dar khrod pa gang
138a3 yin pa de ni 'dod pa chung ba nyid la brten/ chog shes pa nyid la brten/ yo byad bsnyungs pa nyid la brten/ rab tu dben pa nyid la brten/ 'dis chog pa nyid la brten nas phyag dar khrod par 'gyur ro zhes gsungs pa lta bu'o/ /rnam pa gcig tu ni ma chags pas rjes
138a4 su gnang ba 'tsham par bsten pas 'dod pa'i bsod snyoms kyi rjes su brtson pa'i slu ba sel la/ sbyangs pa'i yon tan gti mug med pa ni yo byad bsnyungs par 'tsham par bsten pas bdag nyid dub pa'i rjes su brtson pa'i slu ba sel te/ de lta bas na sbyangs pa'i chos
138a5 ni gnyis te/ ma chags pa dang / gti mug med pa yin no/ /de la 'dod pa chung ba nyid dang / chog shes pa nyid dang / rab tu dben pa nyid ni ma chags pa yin no/ /yo byad bsnyungs pa nyid dang / 'dis chog pa nyid ni gti mug med pa nyid yin no/ /de
138a6 la ma chags pas ni spang ba'i gzhi bcu gsum la chags pa sel la/ gti mug med pas ni gzhi de dag nyid la nyes dmigs mi shes pa sel to/ /yang ci spyod pa'i gang zag rnams sbyangs pa'i yon tan sten par dga' zhe na/ 'dod chags spyod pa dang / gti
138a7 mug spyod pa sbyangs pa'i yon tan sten par dga'i/ zhe sdang spyod pa ni ma yin no/ /ci'i phyir 'dod chags spyod pa dang / gti mug spyod pa sbyangs pa'i yon tan sten gyi/ zhe sdang spyod pa'i ma yin zhe na/ sbyangs pa'i yon tan sten pa ni/ bsgrub dka' ba yin pas 'dod chags
iiif viewer powered by OpenSeadragon
Texts on this page
D306 - rnam par grol ba'i lam las sbyangs pa'i yon tan bstan pa zhes bya ba