rKTs

e-texts navigator

Volume

Page

137b₁ dang / bla gab med pa nyid dang / dur khrod pa nyid la yang blta bar bya'o/ /gzhi ji bzhin pa nyid kyi skabs phye bas ni rkyen de lta bu yod la gzhan gyis gnas mal rnyed na rjes su gnang ngo / /cog pu pa la ni skabs phye ba med do/ /kha cig na re sna'i dpyad byed na skabs phye
137b₂ bar bya ste/ cog pu pa nyid nyams par mi 'gyur ro zhes zer ro/ /sbyangs pa'i yon tan bcu gsum po de dag ni mdor bsdus na brgyad kho nar 'gyur te/ chos mngon pa las ji skad du sbyangs pa'i yon tan ni brgyad do zhes 'byung ba lta bu'o/ /gal te de ji lta bu yin zhe na/
137b₃ zas chog pa pa nyid dang / stan gcig pa nyid ni zas phyis mi len pa nyid kyi nang du 'du bar 'gyur ro/ /de ci'i phyir zhe na/ gzung ba'i mtha' pa ni bdag nyid kyi rang skal cig len pa yin te/ de lta bas na zas chog pa pa nyid kyi nang du 'du bar 'gyur ro/ /yang
137b₄ lan gnyis su mi za ste/ de lta bas na stan gcig pa nyid du 'du bar 'gyur ro/ /shing drung pa nyid dang / bla gab med pa nyid dang / dur khrod pa nyid ni dgon pa pa nyid kyi nang du 'du bar 'gyur ro/ /de ci'i phyir zhe na/ dgon pa pa ni dgon pa'i spyil bu dang / yang
137b₅ thog la sogs pa byed na las la dga' ba nyid dang / /yongs su 'dzin pa dang / chags pa ni bdag gi cha ma yin no snyam nas shing drung ngam/ bla gab med pa'am/ dur khrod du gnas so/ /de lta bas na brgyad kho nar 'gyur la brgyad po de dag kyang dgon pa pa nyid dang /
137b₆ phyag dar khrod pa nyid dang / bsod snyoms pa nyid dang gsum gyis rdzogs par 'gyur ro/ /de ltar na sbyangs pa'i sgo gsum rdzogs par byed na/ sbyangs pa'i yon tan thams cad rdzogs par 'gyur ro/ /de nyid kyi phyir bcom ldan 'das kyis tshe dang ldan pa mdzes dga'
137b₇ bo la brten nas dga' bo nam zhig dgon pa dang / phyag dar khrod pa dang / ngan ngon gyis 'tsho 'dod pa rnams la ni lta ba med pa mthong zhig gu zhes gsungs so/ /de la sbyangs pa'i yan lag ni ci zhig yin/ sbyangs pa'i chos ni du zhig yod/ ci spyod pa'i gang zag dag

_{iiif viewer powered by OpenSeadragon}

137a - 138a

Texts on this page