rKTs

e-texts navigator

Volume

Page

136a₁ yon tan dag yin no/ /dur khrod ji lta bur ni gnas par bya/ dur khrod pa ni gang yin/ gang gis ni dur khrod pa nyid 'jig ce na/ dang por ni rtag tu sreg pa dang / du ba dang / 'bar ba dang / du ba yod pa de lta bu'i dur khrod du gnas par bya la/ de
136a₂ nas ni dur khrod gzhan gang yang rung bar yang gnas par bya'o/ /dur khrod pas dur khrod du spyil bu dang / khang pa mi bya/ rlung yas ldang ba dang / mas ldang bar gnas par mi bya/ khum 'phrig can du gnas par mi bya/ nya sha dang / sha dang / 'o ma dang / til gyi
136a₃ chur bed dang / mon sran gre'u'i bza' ba bsten par mi bya/ lhung bzed sbyin par mi bya/ khyim du 'dug par mi bya/ skye bo mang po'i tshogs lhags na khri'u dang / chos gos dang / ril ba blangs te song na sreg pa nas ha cang yang mi ring ba/ rdo rgyang gis sleb tsam gyi
136a₄ nang du dur khrod du gnas par bya zhing skya rengs shar nas khre'u dang / chos gos dang / ril ba blangs nas slar 'gro bar bya ba 'di ni 'di'i spyod pa ma yin no/ /dur khrod pa ni gzhan du gnas pa spangs pa yin no/ /gzhan du gnas pa khas len pas ni dur khrod pa nyid 'jig go/ /
136a₅ gzhi ji bzhin pa nyid ji ltar yang dag par len zhe na/ brkam chags kyi gnas mal la phan tshun ldang ba pha rol la gnod par byed pa'i nyes dmigs kyang mthong / gzhi ji bzhin pa nyid kyi yon tan dag kyang mthong nas 'di skad ces deng slan chad brkam chags kyi gnas mal spong ste/
136a₆ gzhi ji bzhin pa nyid yang dag par len to zhes yang dag par len to/ /de la gzhi ji bzhin pa nyid kyi yon tan ni 'di dag yin te/ nang du yang dag par 'jog la bla mar bkur ba dang / ji ltar rnyed pas chog shes pa dang / de la chags pa spong ba dang / byams pa'i sems
136a₇ dang / gcig pu nyid la dga' ba dang / dad par bya ba nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni gzhi ji bzhin pa nyid kyi yon tan dag yin no/ /gzhi ji bzhin pa ni gang yin/ gang gis ni gzhi ji bzhin

_{iiif viewer powered by OpenSeadragon}

135b - 136b

Texts on this page