| e-texts navigator |
| བོད་ཡིག |
134a1 'dug kyang lhung bzed kyis chu blangs nas yang mi za ba yin no/ /zas kyi mtha' pa zhes bya ba ni za ba na kham gyi tha ma mid nas yang mi za ba yin no/ /stan gcig pa la ni lan gnyis su 'dug ste za ba spong ba yin no/ /zas kyi mtha' ni chu dang sman ma
134a2 gtogs pa med par bya ba gang cung zad ci yang rung ba yin no/ /lan gnyis su 'dug ste za bas ni stan gcig pa nyid 'jig go/ /zas chog pa pa ji ltar yang dag par len ce na/ zas mang du zos na lus lci bar byed pa dang / phul skye ba dang / 'dod chen che ba
134a3 nyid dang / yo byad bsnyungs pa ma yin pa'i nyes dmigs kyang mthong / zas chog pa pa nyid kyi yon tan dag kyang mthong nas 'di skad du deng slan chad zas mang po spong ste/ zas chog pa pa nyid yang dag par len to zhes yang dag par len to/ /de la zas chog pa
134a4 pa nyid kyi yon tan ni 'di dag yin te/ phul mi skye ba nyid dang / zas kyi tshod zin pa nyid dang / zas mang du za ba'i gnad shes pa nyid dang / lus kyi gnas ngan len bsrabs pa dang / de la chags pa spong ba dang / gnod pa chung ba shes pa dang / kun nas ldang ba yang
134a5 dag par spong ba dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni zas chog pa pa'i yon tan dag yin no/ /zas kyi tshad ni ji ltar 'dzin/ zas kyi chog pa pa ni gang yin/ gang gis ni zas chog pa pa nyid 'di
134a6 'jig ce na/ 'bras bre'u chung gang gis 'bras chan lhung bzed du blangs nas chog pa'i mtshan ma la nye bar rtog cing / de'i 'og tu mi blang ba'i mtshan ma la mkhas pa yin te/ goms pa na lto'i tshad kyang shes par 'gyur ro/ /zas chog pa pa ni zas mang po spong ba yin no/ /
134a7 zas tshad las lhag pas ni zas chog pa pa nyid 'jig go/ /zas phyis mi len pa nyid ji ltar yang dag par len ce na/ zas lhag par zos na phul skye ba dang / gzhan la rag las pa nyid dang / yo byad bsnyungs pa ma yin pa'i nyes dmigs kyang mthong / zas phyis mi len
iiif viewer powered by OpenSeadragon
Texts on this page
D306 - rnam par grol ba'i lam las sbyangs pa'i yon tan bstan pa zhes bya ba