rKTs

e-texts navigator

Volume

Page

133b₁ dmigs med pa nyid dang / /'bod pa la mngon par mi dga' ba nyid dang / zas bzang po mi 'dam pa nyid dang / mi'i 'dzin pa las yongs su grol ba dang / lhan cig spyod pa rnam par spong ba nyid dang / yo byad bsnyungs pa'i tshul can te/ de lta bu la sogs pa ni mthar
133b₂ chags su rgyu ba nyid kyi yon tan dag yin no/ /mthar chags su rgyu ba ni gang zhig yin/ brnyogs par rgyu ba gang gis spong / gang gis ni mthar chags su rgyu ba nyid 'jig ce na/ /mthar gyis rgyu ba'i bsod snyoms spyod pa na khyim dang po nas bzung ste khyim mthar chags su rgyu
133b₃ ba yin no/ /mthar chags su rgyu ba ni brnyogs par rgyu ba spong ba yin no/ /brnyogs par rgyu bas ni mthar chags su rgyu ba nyid 'jig go/ /stan gcig pa nyid ji ltar yang dag par len ce na/ lan gnyis su 'dug ste za na yang dang yang du 'dug nas byin len bya ba dang /
133b₄ yongs su longs spyod pa'i bzod pas yo byad bsnyungs pa ma yin pa'i nyes dmigs kyang mthong / stan gcig pa nyid kyi yon tan dag kyang mthong nas 'di skad du deng slan chad lan gnyis su 'dug ste za ba spong ste/ stan gcig pa nyid yang dag par len to zhes yang
133b₅ dag par len to/ /de la stan gcig pa nyid kyi yon tan 'di dag yin te/ /zos pa 'ju ba nyid dang / brkam chags med pa nyid dang / zas lhag par mi za ba nyid dang / 'dod pa chung ba nyid dang / zo mdog bde ba nyid dang / rang gi las mi nyams pa nyid dang / reg par
133b₆ gnas pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni stan gcig pa nyid kyi yon tan dag yin no/ /stan gcig pa ni du zhig yin/ stan gcig pa ni gang zhig yin/ zas kyi mtha' ni gang yin/ gang
133b₇ gis ni stan gcig pa nyid 'di 'jig ce na/ stan gcig ni gsum ste stan gyi mtha' pa dang / chu'i mtha' pa dang / zas kyi mtha' pa'o/ /de la stan gyi mtha' pa zhes bya ba ni zos nas stan las langs te yang mi za ba yin no/ /chu'i mtha' pa zhes bya ba ni zos nas stan la

_{iiif viewer powered by OpenSeadragon}

133a - 134a

Texts on this page