rKTs

e-texts navigator

Volume

Page

131b₁ mchog tu gdags pa'i mdo rdzogs so// @##/ /rgya gar skad du/ bi muk+ta mArga d+hu tagu Na ni rde sha nA ma/ bod skad du/ rnam par grol ba'i lam las sbyangs pa'i yon tan bstan pa zhes bya ba/ 'jam dpal gzhon nur
131b₂ gyur pa la phyag 'tshal lo/ /de nas de ltar tshul khrims rnam par dag pa'i rnal 'byor pa spyod pa sgrub par 'dod pa/ yon tan don du gnyer bas sbyangs pa'i yon tan yang dag par blangs te 'jug par bya'o/ /rnal 'byor spyod pa sbyangs pa'i yon tan yang dag par blangs
131b₃ pa ni rnam grangs du mas 'dod pa chung ba nyid dang / chog shis pa nyid dang / yo byad bsnyungs pa rgyas pa dang / brtson 'grus rtsom pa dang / dgang sla ba nyid dang / rig par gnas pa nyid dang / yongs su zhen pa rab tu gcod par 'gyur zhing / 'di ni tshul khrims legs
131b₄ par bsrungs pa dang / ting nge 'dzin gyi tshogs dang / 'phags pa'i rigs snang bar 'gyur la/ yon tan gyi mchog da ga la yang snang bar 'gyur ro/ /de la sbyangs pa'i yon tan bcu gsum la gos dang ldan pa gnyis te/ phyag dar khrod pa nyid dang / chos gos gsum
131b₅ pa nyid do/ /zas dang ldan pa lnga ste/ bsod snyoms pa nyid dang / mthar chags su rgyu ba nyid dang / stan gcig pa nyid dang / zas chog pa pa nyid dang / zas phyis mi len pa nyid do/ /gnas mal dang ldan pa la lnga ste/ dgon pa pa nyid dang / shing drung pa nyid dang / bla
131b₆ gab med pa nyid dang / dur khrod pa nyid dang / gzhi ji bzhin pa nyid do/ /brtson 'grus dang ldan pa gcig ste/ cog pu pa nyid do/ /de la phyag dar khrod pa'i yan lag gi ngo bo nyid ni phyag dar khrod pa nyid do/ /lhag ma rnams kyi tshig gi don yang de bzhin du brjod
131b₇ par bya'o/ /de la phyag da ra khrod pa nyid ni khyim bdag gis gos spong ba yin no/ /chos gos gsum pa nyid ni gos bzhi pa spong ba yin no/ /bsod snyoms pa nyid ni 'gran du 'gro ba spong ba yin no/ /mthar chags su rgyu ba nyid ni brnyogs par rgyu ba spang ba yin no/ /stan

_{iiif viewer powered by OpenSeadragon}

131a - 132a

Texts on this page