rKTs

e-texts navigator

Volume

Page

130a₁ ba chen po ngu 'bod chen por skye bar 'gyur te/ de dag der yang sdug bsngal shin tu drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro/ /lhag ma'i ltung ba brtag pa'o/ /dge slong dag 'dzam bu'i gling pa'i mi
130a₂ rnams kyi lo brgya phrag bcu drug gang yin pa de ni gzhan 'phrul dbang byed kyi lha rnams kyi nyin zhag gcig go/ /nyin zhag de sum cu la zla ba gcig go/ /zla ba bcu gnyis la lo gcig tu brtsis pa'i lo stong phrag bcu drug ni gzhan 'phrul dbang byed kyi lha rnams kyi tshe'i
130a₃ tshad do/ /dge slong dag pham par 'gyur ba'i chos bzhi po gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro gzhan 'phrul dbang byed kyi lha rnams
130a₄ su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro/ /
130a₅ dge slong dag gzhan 'phrul dbang byed kyi lha rnams kyi lo stong phrag bcu drug gang yin pa de ni dmyal ba chen po tsha ba'i nyin zhag gcig go/ /nyin zhag de sum cu la zla ba gcig go/ /zla ba bcu gnyis la lo gcig tu brtsis pa'i lo khri drug stong ni dmyal ba chen po tsha ba'i
130a₆ tshe'i tshad do/ /dge slong dag pham par 'gyur ba'i chos bzhi po gang dag mi srung ba dang / mi sbed pa dang / yongs su mi skyong ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen
130a₇ po tsha bar skye bar 'gyur te/ de dag der yang sdug bsngal shin tu drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro/ /pham par 'gyur ba'i chos bzhi'i ltung ba brtag pa'o/ /dge slong dag de lta bas na/ gang de dag bstan bcos thos

_{iiif viewer powered by OpenSeadragon}

129b - 130b

Texts on this page