| e-texts navigator |
| བོད་ཡིག |
128a1 @##/ /rgya gar skad du/ pany+tsA pat+ti ni kA ya shu b+hA shu b+ha pha la pa rI k+Sha sU tra/ bod skad du/ ltung ba sde lnga'i dge ba dang mi dge ba'i 'bras bu brtag pa'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis
128a2 thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa/ dge slong dag 'dzam bu'i gling pa'i mi rnams kyi lo lnga bcu
128a3 gang yin pa de ni rgyal chen bzhi'i ris kyi lha rnams kyi nyin zhag gcig go/ /nyin zhag de sum cu la zla ba gcig /zla ba bcu gnyis la lo gcig tu brtsis pa'i lo lnga brgya ni rgyal chen bzhi'i ris kyi lha rnams kyi tshe'i tshad do/ /dge slong dag bslab pa'i chos gang dag bsrung ba
128a4 dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa ni lus zhig nas bde 'gro rgyal chen bzhi pa'i ris kyi lha rnams su skye bar 'gyur te/ de dag der yang lha'i tshe dang / lha'i kha dog dang / lha'i
128a5 stobs dang / lha'i bde ba dang / lha'i dbang phyug la dbang byed cing lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro/ /dge slong dag rgyal chen bzhi'i ris kyi lha rnams kyi lo lnga brgya gang yin pa de ni dmyal ba chen po yang
128a6 sos kyi nyin zhag gcig go/ /nyin zhag de sum cu la zla ba gcig /zla ba bcu gnyis la lo gcig tu brtsis pa'i lo lnga brgya ni dmyal ba chen po yang sos kyi tshe'i tshad do/ /dge slong dag bslab pa'i chos gang dag mi srung ba dang / mi sbed pa dang / yongs su mi skyong ba dang /
128a7 de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po yang sos su skye bar 'gyur te/ de dag der yang sdug bsngal drag pa dang / rtsub pa dang / tsha ba dang / yid du mi 'ong ba'i tshor ba myong bar
iiif viewer powered by OpenSeadragon
Texts on this page
D304 - ltung ba sde lnga'i dge ba dang mi dge ba'i 'bras bu brtag pa'i mdo