| e-texts navigator |
| བོད་ཡིག |
124a1 rnams su gleng ba kha cig gi mchid nas ni 'di bu mo kho na lags te/ sngon gyi las kyi rnam par smin pas gzugs bzang zhing kha dog phun sum tshogs par gyur to zhes mchi'o/ /gzhan dag gi mchid nas ni 'di bu mo ma lags kyi 'o na ci zhe na las sna
124a2 tshogs pas sprul pa'i sgyu 'phrul lags so zhes mchi lags pas/ de bas na bu mo'i ming sgyu 'phrul zhes bgyi bar gdags so zhes btags so/ /bu mo sgyu 'phrul ma ma brgyad la rjes su gtad de zhes bya ba nas chen mor gyur to zhes bya ba'i bar gong ma bzhin du'o/ /de la mtshan
124a3 mkhan rnams kyis lung bstan pa/ mtshan phun sum tshogs pa du ma dang ldan pa zhig btsa' bar 'gyur zhing stobs kyis 'khor los sgyur bar 'gyur ro zhes bstan to/ /yang de rtse bar byed/ dga' bar byed/ dga' dgur spyod par byed pa las bu mo gzugs bzang ba/ blta
124a4 na sdug pa mdzes pa/ kha dog bzang mo rgyas pa mchog dang ldan pa zhig btsas so/ /de btsas pa na grong khyer de dag thams cad snang ba rgya chen pos snang bar byas te/ sgyu 'phrul la ji lta ba bzhin du de'i gzugs bzang ba rnam pa thams cad du dpyad par mi nus so/ /de'i btsas
124a5 pa'i btsas ston yang rgya cher byas nas/ bu mo 'di'i ming cir gdags zhes ming 'dogs par byed do/ /blon po rnams kyis smras pa/ sgyu 'phrul bas 'di lhag par gzugs bzang bas/ sgyu 'phrul chen mo zhes bgyi bar gdags so zhes btags so/ /de yang bskyed
124a6 bsrings nas chen mor gyur pa dang / de la mtshan mkhan rnams kyis lung bstan pa/ skyes bu chen po'i mtshan sum cu rtsa gnyis dang ldan pa zhig btsa' bar 'gyur te/ de ni 'khor los sgyur ba'i rgyal por 'gyur ro zhes lung bstan to/ /rgyal po legs par rab
124a7 sad kyis rgyal po seng ge 'gram la pho nya btang ste/ bdag la bu mo gnyis shig btsas pa ni sgyu 'phrul dang / sgyu 'phrul chen mo lags te/ de la gcig la ni mtshan thams cad phun sum tshogs pa'i bu zhig btsa' bar 'gyur zhing / de ni stobs
iiif viewer powered by OpenSeadragon
Texts on this page
D301 - mngon par 'byung ba'i mdo