| e-texts navigator |
| བོད་ཡིག |
123b1 'byin pas de'i kun dga' ra ba dga' dga' ltar 'dug pa der rgyal po dus dus su btsun mo'i 'khor dang lhan cig lhags nas de na dga' ba'i rtsed mo nyams su myong bar byed do/ /lum bi nis de mthong nas 'dod pa skyes te/ /des smras pa/ lha kun dga' ra ba 'di
123b2 bdag la stsal du gsol/ rgyal pos smras pa/ da kun dga' ra ba 'di khyim bdag gi yin na ji ltar sbyin/ gal te khyod la kun dga' ra ba dgos na khyod kyi phyir de bas lhag par bzang ba gzhan zhig bya'o/ /de nas rgyal po legs par rab sad kyis lum bi nI'i
123b3 ched du de bas khyad par du 'phags pa'i kun dga' ra ba zhig byed du bcug nas/ de'i ming lum bi ni'i tshal zhes bya bar gyur to/ /rgyal po seng ge 'gram la yun ring po nas kye ma'o bdag gi rgyud la 'khor los sgyur ba skye bar gyur kyang ci ma rung snyam pa'i bsam pa 'di yod
123b4 do/ /rgyal po legs par rab sad la yang yun ring po nas kye ma'o bdag ni seng ge 'gram dang lhan cig gnyen du gyur kyang ci ma rung snyam pa'i bsam pa 'di yod do/ /ji tsam du dus gzhan zhig na de'i btsun mo dang lhan cig rtse bar byed/ dga' bar byed/ dga' dgur
123b5 spyod pa las dus gzhan zhig na btsun mo sems can dang ldan par gyur nas/ de zla ba brgyad dam dgu 'das pa na bu mo gzugs bzang ba/ blta na sdug pa/ mdzes pa/ yan lag dang / nying lag thams cad dang ldan pa zhig btsas so/ /btsas pa de'i gzugs bzang
123b6 pos rgyal po legs par rab sad btsun mo'i 'khor dang bcas pa dang lhas bstan na gnas pa'i skye bo'i tshogs rnams mchog tu ngo mtshar skyes te/ the tsom du gyur nas ci 'di bu mo yin nam/ 'on te las sna tshogs pas sprul pa'i sgyu 'phrul yin snyam mo/ /de'i btsas pa'i
123b7 btsas ston nyi ma bdun gsum nyi shu gcig tu rgya cher byas nas/ bu mo 'di'i ming cir gdags zhes ming 'dogs par byed do/ /blon po rnams kyis smras pa/ lhas bstan na gnas pa'i skye bo'i tshogs lam po che dang / tshong 'dus dang / sum mdo dang / bzhi mdo
iiif viewer powered by OpenSeadragon
Texts on this page
D301 - mngon par 'byung ba'i mdo