rKTs

e-texts navigator

Volume

Page

302b₁ gzugs kyis bzhugs so zhes thos pa dang / gsal rgyal sems dang ba skyes nas yang bcom ldan 'das la 'di skad ces gsol to/ /bcom ldan 'das 'di'i tshad ni ji tsam lags/ mdog ni ci 'dra ba lags/ bye brag ni du zhig lags/ brdung ba ni ci 'dra ba lags/ gang gis brdung
302b₂ bar bgyi/ gang gi tshe gang gi dus na ji srid du brdung bar bgyi/ ji ltar gzhag par bgyi/ de skad ces gsol pa dang / bcom ldan 'das kyis bka' stsal pa/ 'byor par 'dod pas shing rnams ni/ /rab tu 'bad de brtag par bya/ /tsan dan bil ba pa la sha/ /a shwad tha dang tsan dan dmar/ /rgya star
302b₃ ta la king shu ka/ shing sha pa dang tam la/ /a mra star bu skyu ru ra/ /ting ti sa ra a sho ka/ 'di dag thams cad med na yang / /'o se las ni 'bad de bya/ /rgyal po 'bad pas thams cad du/ /'di dag med na mi bya'o/ /tshad med shing ngan las byas dang / /brdungs na sgra ni mi 'byung ba'i/ /sangs rgyas
302b₄ yum 'di brdungs na ni/ /yul 'khor 'tshe ba nges par 'byung / /gtsug lag khang du dge slong rnams/ /de bzhin blo ni mi 'thun dang / /nye bar gdung ba 'byung 'gyur zhing / /rnam pa du mar rtsod par 'gyur/ /mu stegs can gyi dbang 'gyur zhing / /bdud kyang 'byung bar 'gyur ba yin/ /gdug pa'i
302b₅ klu ni du ma yis/ /'bru rnams kyang ni nyams par byed/ /rgyal khams 'dir mang sems can rnams/ /rnam par 'jig pa nyid du 'gyur/ /gtsug lag khang yang 'jig 'gyur zhing / /chos kyang nub par 'gyur ba yin/ /bdud kyi lha rnams dge slong gi /dge 'dun shin tu ma bsdams byed/ /de ltar
302b₆ yang dag shes nas kyang / /legs par yongs su brtags te bya/ /tshad ni chung ngu sor brgyad kyi/ /brgyad cu rtsa bzhi nyid bya zhing / /zheng du sor ni drug bya ste/ /'phang du yang ni gnyis bya'o/ /sor mo'i tshigs kyi tshad dag gis/ /zur bzhir tshad ni gnyis pa yin/ /legs mnyam nyid ni shin tu gsal/ /
302b₇ rtse gnyis sbal pa'i mgo bzhin no/ /de nas rdung bar byed pa yang / /shing de nyid las bcad de bya/ /sor bcu gnyis kyi tshad dag la/ /zlum zhing rtse gnyis ne'u le'i mgo/ /chang zungs tshad kyang de bzhin te/ /shin tu 'jam dang rtsibs mnyam par/ /gang phyir de brdungs gzhan dgongs pa/ /'og tu'ang de yi khri

_{iiif viewer powered by OpenSeadragon}

302a - 303a

Texts on this page