rKTs

e-texts navigator

Volume

Page

300b₁ par 'byung ba 'di ni gnas ma yin te/ gang gcig 'byung ba 'di ni gnas yin no/ /gnas ma yin zhing go skabs med pa ni gang bud med 'khor los sgyur ba'i rgyal srid dang / brgya byin nyid dang / tshangs pa nyid dang / bdud nyid byed par 'gyur ba dang / rang byang chub mngon du byed par 'gyur ba dang /
300b₂ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni gnas ma yin no/ /'di ni gnas yin te skyes pa gang yin pa'o/ /gnas ma yin zhing go skabs med pa ni gang lta ba phun sum tshogs pa'i gang zag bsams bzhin du pha dang / ma dang / dgra bcom
300b₃ pa gsod par 'gyur ba dang / dge 'dun gyi dbyen byed par 'gyur ba dang / de bzhin gshegs pa la ngan sems kyis khrag 'byin par 'gyur ba ni gnas ma yin no/ /'di ni gnas yin te so so'i skye bo gang yin pa'o/ /gnas ma yin zhing go skabs med pa ni gang lta ba phun sum tshogs pa'i gang zag bsams
300b₄ bzhin du srog chags kyi srog gcod par 'gyur ba dang / bslab pa gtang nas nyams pa la 'jug par 'gyur ba dang / 'di las phyi rol pa gzhan dag la yon gnas su tshol bar 'gyur ba dang / 'di las phyi rol pa gzhan dag la ston par lta bar 'gyur ba dang / dge mtshan dang / bkra shis dag
300b₅ gis dag par yid ches par 'gyur ba dang / dge sbyong dang bram ze shes pa dang ldan pa de dag shes par bya ba shes shing blta bar bya ba mthong ngo snyam nas dge sbyong dang bram ze gzhan dag gi ngor rtog cing ngor lta bar 'gyur ba dang / srid pa brgyad pa mngon par 'grub par 'gyur ba 'di ni
300b₆ gnas ma yin no/ /'di ni gnas yin te so so'i skye bo gang yin pa'o/ /gnas ma yin zhing go skabs med pa ni sems kun nas nyon mongs par byed pa dang / shes rab nyam chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba gang sgrib pa lnga po ma spangs
300b₇ pa ni dran pa nye bar gzhag pa bzhi dag la sems shin tu nye bar bzhag nas gnas par 'gyur ba 'di ni gnas ma yin no/ /'di ni gnas yin te/ sems kun nas nyon mongs par byed pa dang / shes rab nyam chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur

_{iiif viewer powered by OpenSeadragon}

300a - 301a

Texts on this page