rKTs

e-texts navigator

Volume

Page

300a₁ yin pa dag mngon par 'grub par 'gyur ba 'di ni gnas yin no/ /kun dga' bo 'di ni gnas ma yin zhing go skabs med pa ste gang lus kyis legs par spyad pa dang / ngag dang / yid kyis legs par spyad pa'i rnam par smin pa 'dod pa ma yin pa dang / sdug pa ma yin
300a₂ pa dang / dga' ba ma yin pa dang / yid du 'ong ba ma yin pa dag mngon par 'grub par 'gyur ba 'di ni gnas ma yin no/ /'di ni gnas yin te gang lus kyis legs par spyad pa dang / ngag dang / yid kyis legs par spyad pa'i rnam par smin pa 'dod pa dang / sdug pa dang / dga' ba
300a₃ dang / yid du 'ong ba dag mngon par 'grub par 'gyur ba 'di ni gnas yin no/ /gnas ma yin zhing go skabs med pa ni gang lus kyis nyes par spyad pa spyad/ ngag dang / yid kyis nyes par spyad pa spyad nas rgyu de dag dang rkyen des lus zhig nas bde 'gro mtho ris kyi 'jig rten lha rnams
300a₄ kyi nang du skye bar 'gyur ba 'di ni gnas ma yin no/ /'di ni gnas yin te/ gang lus kyis nyes par spyad pa spyad/ ngag dang / yid kyis nyes par spyad pa spyad nas rgyu de dang rkyen des lus zhig nas shi phan cad ngan song ngan 'gro log par ltung ba sems can dmyal ba dag gi nang du skye bar 'gyur
300a₅ ba 'di ni gnas yin no/ /gnas ma yin zhing go skabs med pa ni gang lus kyis legs par spyad pa spyad/ ngag dang / yid kyis legs par spyad pa spyad nas rgyu de dang rkyen des lus zhig nas shi phan cad ngan song ngan 'gro log par ltung ba sems can dmyal ba dag gi nang du skye bar
300a₆ 'gyur ba 'di ni gnas ma yin no/ /'di ni gnas yin te gang lus kyis legs par spyad pa spyad/ ngag dang / yid kyis legs par spyad pa spyad nas rgyu de dang rkyen des lus zhig nas bde 'gro mtho ris kyi 'jig rten lha rnams kyi nang du skye bar 'gyur ba 'di ni gnas yin no/ /
300a₇ gnas ma yin zhing go skabs med pa ni yang dag par rdzogs pa'i sangs rgyas gnyis 'jig rten du gang snga phyi med par 'byung ba 'di ni gnas ma yin te/ gang gcig 'byung ba 'di ni gnas yin no/ /gnas ma yin zhing go skabs med pa ni 'khor los sgyur ba gnyis 'jig rten du gang snga phyi med

_{iiif viewer powered by OpenSeadragon}

299b - 300b

Texts on this page