rKTs

e-texts navigator

Volume

Page

299b₁ rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'byung zhing sdug bsngal gyi phung po chen po 'di 'ba' zhig 'byung bar
299b₂ 'gyur ro/ /'di lta ste/ 'di med pas 'di mi 'byung / 'di 'gags pas 'di 'gag ste/ 'di ltar ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs
299b₃ 'gags pas skye mched drug 'gag / skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba
299b₄ 'gag / skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'gag cing sdug bsngal gyi phung po chen po 'di 'ba' zhig 'gag par 'gyur ba dag yang dag pa ji lta ba bzhin shes shing mthong ba yin
299b₅ te/ kun dga' bo de tsam gyis na mkhas pa rten cing 'brel par 'byung ba la mkhas pa yin no/ /btsun pa ji tsam gyis na mkhas pa gnas dang gnas ma yin pa la mkhas pa lags/ kun dga' bo mkhas pa ni gnas la gnas dang / gnas ma yin pa la gnas ma yin pa
299b₆ dag yang dag pa ji lta ba bzhin shes shing mthong ba yin no/ /kun dga' bo 'di ni gnas ma yin zhing go skabs med pa ste/ gang lus kyis nyes par spyad pa dang / ngag dang / yid kyis nyes par spyad pa'i rnam par smin pa 'dod pa dang / sdug pa dang / dga' ba dang / yid du 'ong ba
299b₇ dag mngon par 'grub par 'gyur ba 'di ni gnas ma yin no/ /'di ni gnas yin te/ gang lus kyis nyes par spyad pa dang / ngag dang / yid kyis nyes par spyad pa'i rnam par smin pa 'dod pa ma yin pa dang / sdug pa ma yin pa dang / dga' ba ma yin pa dang / yid du 'ong ba ma

_{iiif viewer powered by OpenSeadragon}

299a - 300a

Texts on this page