| e-texts navigator |
| བོད་ཡིག |
297a1 ni khyad du gsad mi bya/ /bdag nyid don la legs lta bas/ /de ni legs par spang bar bya/ /de nas ko sa la'i rgyal po gsal rgyal gyis bcom ldan 'das kyis bka' stsal pa la mngon par bstod cing rjes su yi rangs pa byas nas/ bcom ldan 'das kyi
297a2 zhabs la mgo bos phyag 'tshal te/ bcom ldan 'das kyi spyan snga nas phyir song ngo / /gzhon nu dpe'i mdo rdzogs so// @##/ /rgya gar skad du/ d+hA tu ba hu ta ka sU tra/ bod skad du/ khams mang po pa'i mdo/
297a3 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa kun dga' bo gcig pu dben
297a4 par song ste/ nang du yang dag bzhag nas sems la sems kyi rnam par rtog pa 'di lta bu dag skyes te/ 'jigs pa gang dag 'byung zhing skye ba de dag thams cad ni byis pa las skye'i mkhas pa las ni ma yin no/ /yams kyi nad gang dag dang / gnod pa dang / nad 'go ba dang /
297a5 'khrug pa gang dag 'byung zhing skye ba de dag thams cad ni byis pa las skye'i mkhas pa las ni ma yin no snyam mo/ /de nas tshe dang ldan pa kun dga' bo phye ma red nang du yang dag 'jog las langs nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag
297a6 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'dir bdag gcig pu dben par mchis te/ nang du yang dag bzhag na sems la sems kyi rnam par rtog pa/ 'di lta bu
297a7 dag skyes te/ 'jigs pa gang dag 'byung zhing skye ba de dag thams cad ni byis pa las skye'i mkhas pa las ni ma lags so/ /yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i mkhas pa las ni
iiif viewer powered by OpenSeadragon
Texts on this page
D296 - gzhon nu dpe'i mdo
D297 - khams mang po'i mdo